सोलापूर : सोलापूर जिल्हा परिषदेच्या नव्या मुख्य कार्यकारी अधिकारी मनीषा आव्हाळे यांनी शनिवारी सकाळी मुख्य कार्यकारी अधिकारी दिलीप स्वामी यांच्याकडून पदभार स्वीकारला. शुक्रवारी राज्यातील 41 प्रशासकीय अधिकाऱ्यांच्या बदल्या झाल्या त्यामध्ये सोलापूरच्या सहाय्यक जिल्हाधिकारी मनीषा आव्हाळे यांची जिल्हा परिषदेच्या मुख्य कार्यकारी अधिकारी पदावर नियुक्ती झाली.
पदभार देण्याची प्रशासकीय प्रक्रिया पूर्ण झाल्यानंतर दिलीप स्वामी यांनी त्यांचे स्वागत करत त्यांना खुर्चीवर बसवले. त्यानंतर उपमुख्य कार्यकारी अधिकारी ईशाधिन शेळकांदे यांनीही त्यांचे स्वागत केले. यावेळी सचिन जाधव उपस्थित होते.
थेट आयएएस असणाऱ्या सहाय्यक जिल्हाधिकारी मनीषा आव्हाळे या जुलै 2021 मध्ये सोलापूर जिल्ह्यात परिविक्षाधीन अधिकारी म्हणून आदिवासी विकास विभागात त्या आल्या. त्या आल्यानंतर तत्कालीन पालकमंत्री दत्तात्रय भरणे यांनी मॅडम तुम्ही सोलापूरला कायम आठवणीत ठेवालं असे म्हणून स्वागत केलें होते.
शुक्रवारी आपली बदली झाल्याचे समजतात दिलीप स्वामी यांनी घरातील फाइल्स सही न करता तशाच ठेवल्या आणि शनिवारी मनीषा आव्हाळे यांना बोलताना घरी आलेल्या फाईलवर मी सही केल्या नाहीत असे सांगताच आव्हाळे यांनी सर सह्या करून जावा असे म्हणताच उपस्थित यामध्ये एकच हशा पिकला.
