सोलापूर जिल्हा परिषदेची ऑनलाइन सभा 29 जुलै रोजी झाली, या सभेत सांगोल्याचे सदस्य ऍड सचिन देशमुख यांनी विषय मांडत पंढरपूर हा स्वतंत्र जिल्हा करा असा ठराव मांडला त्यास वसंतनाना देशमुख यांनी अनुमोदन दिले, बोलत बोलत व मजेत मजेत हा विषय झाला, त्याचे गांभीर्य सभेचे अध्यक्ष अनिरुद्ध कांबळे यांना समजले नाही, नंतर सचिन देशमुख यांनी माध्यमांना सांगून हा विषय समोर आणला,
तो विषय सर्वच माध्यमांनी उचलून धरला, काही दैनिकांनी तर यावर जिल्ह्यातील विविध पक्षाच्या नेत्यांच्या प्रतिक्रिया घेतल्या अनेकांनी सोलापूर जिल्ह्यातून पंढरपूर तोडण्यास विरोध दर्शवला, निश्चितच माळशिरस करांनी अध्यक्ष अनिरुद्ध अण्णांना फैलावर घेतलं असेल? यानंतर सोमवारी पत्रकारांनी त्यांना या ठरवाबाबत विचारले असता त्या दिवशी मजेत झालेला विषय आहे तो ठराव करायचा का नाही याबाबत विचार करावा लागेल असे सांगून आपला संभ्रम दाखवून दिला.
यानंतर जिल्हा परिषदेतील काही सदस्यांना विचारले असता सोलापुरातून पंढरपूरला तोडण्याची भाषा करण्याला आमचा विरोध आहे तो राहील स्वतंत्र तालुक्याचे निर्णय होत नाहीत जिल्हा तर लांबच आहे असे भाजपचे आनंद तानवडे म्हणाले. खरे तर असे ठराव आयत्यावेळच्या विषयांमध्ये येत नसतात पंढरपूर पेक्षा निश्चितच बारामती जिल्हा होईल अशीही प्रतिक्रिया समोर आली. अर्थ व बांधकाम सभापती विजयराज डोंगरे यांची प्रतिक्रिया घेतली असता खरेतर ऑनलाईन सभेला जॉईन होण्यासाठी आम्हाला थोडा उशीर लागला त्यामुळे काय झाले हेच कळले नाही त्यांनी बोलण्यास नकार दिला जी गोष्ट होणारच नाही त्याबद्दल बोलायचे कशासाठी? असे म्हणून यातून अंग काढून घेतले.
