उत्तर सोलापूर पंचायत समितीच्या गटविकास अधिकारी जस्मिन शेख या चांगल्याच अडचणीत आल्या आहेत. माजी आमदार दिलीप माने यांनी बीडीओ प्रकरणात लक्ष घातले आहे, त्यांनी सोमवारी मुख्य कार्यकारी अधिकारी दिलीप स्वामी यांची जिल्हा परिषदेत भेट घेतली, माने मालकांनी कोणत्या प्रकरणात लक्ष घातले की, ते तो विषय शेवटपर्यंत नेतात, तत्कालीन मुख्य वित्त व लेखा अधिकारी आवताडे यांच्या बदली प्रकरणात सर्वांना दिसून आले आहे .
उत्तर सोलापूर तालुका पंचायत समितीच्या सभापती रजनी भडकुंबे यांनी गट विकास अधिकारी जस्मिन शेख यांचा कारभार व वर्तणूक विरोधात त्यांची अनेक वेळा मुख्य कार्यकारी अधिकारी दिलीप स्वामी यांच्याकडे तक्रार केली होती. बीडिओ जस्मिन शेख या प्रोटोकॉल तोडतात, ऑफिस मध्ये कामाची पद्धत चुकीची असून त्या कार्यालया ऐवजी आपल्या घरात बसून काम करतात, फिल्डवर जात नाहीत, कोरोना काळात पाट्या टाकण्याचे काम केले, कर्मचाऱ्यांना घालून पाडून बोलणे, सभापती यांच्यासोबत वाद झाल्यानंतर त्यांच्या विरोधकांना घेऊन केबिनमध्ये चर्चा करणे, तसेच पंचायत समितीच्या एका मासिक सभेमध्ये दोन सदस्य गैरहजर असतानाही त्यांच्या परस्पर सह्या बीडीओ जस्मिन शेख यांनी घेतल्या आहेत,
कर्मचाऱ्यांवर चिडचीड करणे विशेष करून पुरुष अधिकाऱ्यांना वाईट वागणूक देणे अशा एक ना शेकडो तक्रारी सभापती भडकुंबे तसेच कर्मचारी संघटनांनी मुख्य कार्यकारी अधिकारी यांच्या कानावर घातल्या होत्या, त्यानंतर स्वतः सीईओ दिलीप स्वामी व उपमुख्य कार्यकारी अधिकारी परमेश्‍वर राऊत हे उत्तर पंचायत समितीमध्ये जाऊन बीडिओ जस्मिन शेख व सभापती रजनी भडकुंबे यांची बैठक घेऊन समन्वय साधण्याच्या सूचना शेख यांना केल्या होत्या. तरीही शेख यांच्या वागणुकीत सुधारणा झाली नाही, काही दिवसांपूर्वी अध्यक्ष अनिरुद्ध कांबळे यांनीही उत्तर पंचायत समितीला भेट देऊन सभापती भडकुंबे व बीडीओ शेख यांची समजूत काढली
मात्र अध्यक्ष आणि सीईओ यांच्या सूचनेला शेख यांनी झिडकारले आता तर या प्रकरणात दिलीप माने यांनी लक्ष घातले आहे, उत्तर तालुक्याचे नेते राष्ट्रवादीचे जिल्हाध्यक्ष काका साठे हेसुद्धा बीडीओच्या कारभारावर प्रचंड नाराज आहेत. या सर्वांच्या तक्रारी आल्याने सीईओ स्वामी यांनी शेख यांना नोटीस बजावली त्यांचा खुलासा मागून घेतला सोमवारी पुन्हा मुख्य कार्यकारी अधिकारी स्वामी आणि उपमुख्य कार्यकारी अधिकारी राऊत यांनी जमीन शेख यांना चांगलीच समजूत दिल्याची माहिती आहे अन्यथा शासनाकडे परत पाठवायचा प्रस्ताव पाठवेन असा इशारा स्वामी यांनी दिल्याचे समजले. एकूणच बीडीओ शेख यांची अडचण वाढली असून त्यांची बदली होण्याशी शक्यता आहे किंवा त्यांना सीईओ बेमुदत रजेवर पाठवण्याची शक्यता वर्तवली जात आहे.
