सोलापूर : प्रभारी जिल्हा अधीक्षक कृषी अधिकारी रविंद्र माने यांच्या बदलीमुळे रिक्त झालेल्या पदावर जालण्याचे बाळासाहेब राजाराम शिंदे यांची नियुक्ती झाली, सोमवारी शिंदे यांनी सोलापूर कार्यालयात जिल्हा अधीक्षक कृषी अधिकारी पदाचा पदभार स्वीकारला, यावेळी कार्यालयातील कृषी उपसंचालक, कृषी अधिकारी, कर्मचाऱ्यांनी त्यांचे स्वागत केले,
अन्न व औषध प्रशासन विभागाचे सहाय्यक आयुक्त प्रदीप कुमार राऊत यांनी त्यांचे स्वागत केले आत्माचे कृषी अधिकारी मदन मुकणे यांनी त्यांचा सत्कार केला, जिल्हा परिषदेचे कृषी अधिकारी वाघमोडे यांनी त्यांना शुभेच्छा दिल्या, सोमवारी पदभार घेताच शिंदे यांनी आपल्या सर्व अधिकारी कर्मचारी यांची बैठक घेत विविध योजनांच्या कामकाजाचा आढावा घेतला शेतकऱ्यांसाठी ज्या योजना अतिशय महत्त्वाच्या आणि गरजेच्या आहेत त्या योजनेत सर्वप्रथम युद्धपातळीवर काम करण्याच्या सूचना दिल्या आहेत.
बाळासाहेब शिंदे हे माढा तालुक्यातील सापटणे गावचे रहिवासी असून यापूर्वी त्यांनी कृषी आयुक्तालयात उपसंचालक, तसेच परभणी व जालना या जिल्ह्यात जिल्हा अधीक्षक कृषी अधिकारी म्हणून सेवा बजावली असून अतिशय चांगल्या पद्धतीने काम केले आहे. जिल्ह्यातील अधिकारी कृषी विभागाला मिळाल्याने निश्चितच शेतीला चालना मिळेल यात शंका नाही.
