शनिवारी रात्री तसेच मागील काही दिवसात झालेल्या मुसळधार पावसामुळे सोलापूर जिल्ह्यातील बऱ्याचशा भागात नदी नाले ओढे तूटुंब भरून वाहत आहेत. दक्षिण सोलापूर तालुक्यातील कासेगावला जाणारे सर्व मार्ग मुसळधार पावसामुळे बंद झाले आहेत उळे गावातून येणारा रस्ता ओढ्याला पूर आल्याने बंद झाला आहे, उळेवाडी, वडजी सोलापूर तुळजापूर महामार्ग तून येणारा रस्ता सुद्धा ओढ्याला पाणी आल्याने बंद झाला आहे. त्यामुळे सर्व बाजूंनी कासेगाव संपर्क तुटल्याचं चित्र पहायला मिळतंय, अनेक विहिरी तुडुंब भरून वाहत आहेत तसेच ज्वारी पेरणीच्या पार्श्वभूमीवर झालेल्या या मुसळधार पावसामुळे शेतकरी राजा सुखावला चित्र पाहायला मिळतंय.
