सोलापूर : 11 ऑक्टोबर रोजी महाविकास आघाडीच्या वतीने लखीमपुर येथील शेतकरी आंदोलकांवर झालेल्या खुनी हल्ल्याच्या निषेधार्थ महाराष्ट्र बंदची हाक देण्यात आली. त्या अनुषंगाने मार्क्सवादी कम्युनिस्ट पक्ष शेकडो कार्यकर्त्यांना घेऊन बंदमध्ये सहभागी झाले. महाविकास आघाडीने बंदची घोषणा केलेली असताना सुद्धा पोलीस प्रशासनाकडून बंद हाणून पाडण्याचा आटोकाट प्रयत्न झाले. सकाळी माकपचे कार्यकर्ते कॉ.अनिल वासम सकाळी 8 वाजता व कॉ. युसुफ शेख (मेजर) यांना 9 वाजता राहत्या घरातून तर कॉ. एम.एच.शेख, सिद्धप्पा कलशेट्टी, सलीम मुल्ला यांच्यासह प्रमुख लढाऊ कार्यकर्त्यांना दत्त नगर येथील कार्यालयातच नजरकैदेत ठेवले. तसेच कॉ. आडम मास्तर यांच्या घराबाहेर पोलीस कर्मचाऱ्यांचा पहारा ठेवण्यात आला. पोलिसांच्या या दडपशाहीला चकवा देत जिल्हाधिकारी कार्यालय पूनम गेट येथे पहिल्या टप्प्यात काही प्रमुख कार्यकर्ते कॉ.नलिनीताई कलबुर्गी, शेवंताताई देशमुख, दाउद शेख, बाळकृष्ण मल्याळ, विजय हरसुरे, बालाजी गुंडे, वीरेंद्र पद्मा यांच्यासह २० कार्यकर्त्यांना ताब्यात घेतले.
तद्नंतर दुसऱ्या टप्प्यात कॉ. नरसय्या आडम, कॉ. एम.एच.शेख, सिद्धप्पा कलशेट्टी, नगरसेविका कामिनिताई आडम,अनिल वासम,आरीफा मणियार यांच्यासह शेकडो कार्यकर्ते चालत पूनम गेटवर येऊन जोरदार घोषणाबाजी करत घटनेचा तीव्र शब्दात निषेध नोंदविले. यानंतर पोलिसांनी कॉ. नरसय्या आडम (मास्तर) यांच्यासह शेकडो कार्यकर्त्यांना बळजबरीने ताब्यात घेऊन सदर बझार पोलीस ठाणे येथे दाखल केले.
या आंदोलनात म.हनीफ सातखेड, रंगप्पा मरेड्डी, विल्यम ससाणे, नरेश दुगणे, बाबू कोकणे, बापू साबळे, लिंगव्वा सोलापुरे, शकुंतला पाणीभाते, जावेद सगरी, दत्ता चव्हाण, शहाबुद्दीन शेख, दीपक निकंबे, श्रीनिवास गड्डम, वासिम मुल्ला, मुन्ना कलबुर्गी, प्रवीण आडम, भारत पाथरूट, बजरंग गायकवाड, अप्पाशा चांगले, विनायक भैरी, डेविड शेट्टी, नागेश म्हेत्रे, आरिफ मणियार, सिद्धाराम उमराणी, मल्लिकार्जुन बेलीयार, योगेश अकिम, नानी माकम, मल्लेशम कारमपुरी, नितीन कोळेकर, अंबादास गडगी, अंबादास बिंगी, श्रीनिवास तंगडगी हे सहभागी होते.
