सोलापूर : दाखल गुन्ह्यात आरोपीच्या पत्नीला अटक न करण्यासाठी 7 हजाराची लाच घेणाऱ्या पोलीस नाईकास अँटीकरप्शन विभागाने रंगेहाथ पकडले. शशिकांत तुकाराम वलेकर वय 49 पोलीस नाईक करमाळा पोलीस ठाणे असे अटक करण्यात आलेल्या पोलिसांचे नाव आहे.
या प्रकरणातील तक्रारदार व त्यांची पत्नी, मुलगा यांचेवर करमाळा पोलीस ठाणे येथे गुन्हा दाखल असुन सदर गुन्हयाचा तपास शशिकांत वलेकर हे करत होते. त्या गुन्हयामध्ये तक्रारदार यांच्या पत्नीला अटक न करण्यासाठी व गुन्हयात मदत करण्यासाठी यांनी तक्रारदार यांच्याकडे १० हजार रुपयेची मागणी करून त्यापैकी पहीला टप्पा म्हणून ७ हजार रुपये इतकी लाच रक्कम स्वतः स्विकारली म्हणून शशिकांत तुकाराम वलेकर यांचेविरुध्द लाच मागणीचा गुन्हा दाखल करण्यात आला आहे. सदरची कारवाई राजेश बनसोडे, पोलीस अधिक्षक, अॅन्टी करप्शन ब्यूरो पूर्ण सुरज गुरव अप्पर पोलीस अधिक्षक, अॅन्टी करप्शन ब्युरो, पुणे यांच्या मार्गदर्शनाखाली संजीव पाटील, पोलीस उपअधिक्षक, पर्यवेक्षण अधिकारी, चंद्रकांत कोळी पोलीस निरीक्षक, पोहवा शिरीषकुमार सोनवणे, पोना प्रमोद पकाले, पोना अतुल पाडगे अशा अँन्टी करप्शन ब्यूरो सोलापूर यांनी यशस्वीरित्या पार पाडली आहे.
