सोलापूर शहरातील पुणे- हैद्राबाद राष्ट्रीय महामार्गालगत हॉटेल समर्थच्या जवळ असलेल्या आकांक्षा लोजिस्टीक या खाजगी बस पार्कंगचे मोकळ्या जागेत काही इसम स्वतःचे आर्थिक फायद्यासाठी बेकायदेशीरपणे डिझेल सारखा ज्वलनशील द्रव पदार्थ आणुन टँकर क्रमांक एम. एच. २५ ए के १४१७ मधुन बस के. एन एल ०१ बी १६८७ भरत असल्याचे खात्रीशीर माहिती मिळाले वरून गुन्हे शाखेकडील पथकांनी वरिष्ठांच्या मार्गदर्शनानुसार छापा टाकुन कारवाई केली.
घटनास्थळावरून १) तानाजी कालीदास ताटे, रा. गुणो मानेगाव, ता. बार्शी, जि सोलापूर २) युवराज प्रकाश प्रबळकर, रा. पंचशील नगर, वैराग, ता. बार्शी, जि. सोलापूर तसेच आकांक्षा लीजिस्टीक कार्यालयातील मालक ३) अविनाश सदाशिव गंजे, भवानी पेठ, चडचणकर अपार्टमेंट, सोलापूर, ४) सुधाकर सदाशीव गंजे वय ४४ वर्षे, अवंती नगर, पुना नाका, सोलापूर तसेच मॅनेजर ५) श्रीनिवास लक्ष्मण चव्हाण अभिषेक नगर, हॉटेल अम्बेसीडर जवळ, सोलापूर व बसवरील चालक ६) हाजु लतीफ शेख, मुपो कौडगाव, ता. जि. उस्मानाबाद, यांना ताब्यात घेवून घटनास्थळावरून १ डिझेल टँकर, ३ आकांक्षा लॉजिस्टकच्या बसेस असा एकुण 1 कोटी 1 लाख किंमतीचा मुद्देमाल जप्त केला व त्या बाबत फौजदार चावडी पोलीस ठाण्यात गुन्हा दाखल करण्यात आला व हा गुन्हा वपोनि संजय सांळुखे, गुन्हे शाखा सोलापूर शहर यांचेकडे पुढील तपासकामी देण्यात आला.
या गुन्ह्याच्या तपासादरम्यान हिमांशु संजय भुमकर वय २१ वर्षे, व्यवसाय व्यापार, रा. भुमकर कॉलनी, बार्शी रोड, वैराग, ता. बार्शी, जि. सोलापूर यांनी डिझेल सारखा ज्वलनशील द्रव पदार्थ टँकर क्रमांक एम.एच.२५ ए. के. २४१७ मध्ये पाठविला असल्याचे निष्पन्न झाल्याने त्याचा कसून शोध घेतल्यास गुन्ह्यात अटक करून त्याने डिझेल सारखा ज्वलनशील द्रव कोठून आणला या बाबत तपास केला असता त्याने डिझेल सारखा ज्वलनशील द्रव पदार्थ मु.पो. खुपरी ता. वाडा जि. पालघर येथील साई ओम पेट्रो स्पेसिलीटीज लिमिटेड या कंपनीतून आणला असल्याचे सांगितले.
त्यानुसार पोलीस उप आयुक्त बापू बांगर यांचे समवेत व पोलीस निरीक्षक संजय सांळुखे व गुन्हे शाखेकडील २ पथके पालघर येथे रवाना झाले. तेथे साई ओम पेट्रो स्पेसिलीटीज लिमिटेड या कंपनीस रिसायकल ऑईल व्यवसायाचा परवाना असताना ते केमीकलच्या सहाय्याने डिझेल तयार करून विक्री करीत असल्याचे व त्यासाठी सदर कंपनीत मशीनरी वेगवेगळ्या रासायनिक द्रव पदार्थाच्या साठयासाठी व बेकायदेशीरपणे भेसळ करण्यासाठी स्थापीत केली असल्याचे निष्पन्न झाले त्या ठिकाणीहून कंपनीची मशीनरी मालमता व जमिन अशा प्रकारे सुमारे रु.१7 कोटी 20 लाख 90 हजार किंमतीचा मुद्देमाल जप्त करण्यात आला आहे. सद्यस्थितीत गुन्ह्याचा तपास सुरू असुन साई ओम पेट्रो स्पेसिलीटीज लिमिटेड या कंपनीने बेकायदेशीर डिझेल बनविण्यासाठी कोणकोणते केमिकल कोठुन आणले या संबंधाने तपास सुरू आहे.
