सोलापूर : पोलीस उपायुक्त वैशाली कडूकर यांनी बुधवारी शहरातील धोकादायक सहा जणांची तडीपारीची ऑर्डर काढली त्यामध्ये चमनशहा टेकडी येथे राहणाऱ्या सालार कंपनीतील तिघांसह एमआयडीसी परिसरातील आशा नगर इथल्या इतर समाजातील तिघांचा समावेश आहे.
सोलापूर शहरामध्ये आपला उद्देश साध्य करण्याच्या हेतूने साथीदारासमवेत गैरकायद्याची मंडळी जमवून आपखुशीने दुखापत करणे, गैरकायद्याची मंडळी जमवून दंगा करणे, शिवीगाळ, दनदाटी करणे, जीवे ठार मारण्याचा प्रयत्न करणे, घातक शस्त्र बाळगून दहशत निर्माण करणे इत्यादी गंभीर स्वरुपाचे गुन्हे करणा-या टोळीतील १. फैजल अब्दूल रहिम सालार, वय-२७ वर्षे, २. मोहसिन अब्दुल रहिम सालार, वय-३८ वर्षे, ३. मुस्तफा अब्दुल रहिम सालार, वय – २९ वर्षे, सर्व रा. ६०, चमनशहा टेकडी, मक्का मस्जीद जवळ, सिध्देश्वर पेठ, सोलापूर या इसमांसह.
तसेच साथीदारांसह आपखुशीने दुखापत करणे, गैरकायद्याची मंडळी जमवून दंगा करणे, शिवीगाळ, दमदाटी करणे, गोरगरीब निराधार महिला तसेच शाळा शिकणा-या अल्पवयीन मुलींवर वाईट नजर ठेवून त्यांना फुस लावून पळवून नेणे, प्रसंगी त्यांना बदनाम करण्याची भिती दाखवून त्यांचेशी संबंध ठेवणे इत्यादी गंभीर स्वरुपाचे गुन्हे करणा-या १. मल्लिकार्जुन कल्लप्पा आळगुंडगी, वय-२७ वर्षे, रा. १६३, अविनाश नगर, एमआयडीसी, सोलापूर २. योगेश कुमार चोळ्ळे, वय-२१ वर्षे, रा.२७५, आशा नगर, हनुमान मंदिर जवळ, प्रिंसीजन कंपनी मागे, सोलापूर, ३. मॅडी उर्फ महादेव अशोक सरडगी, वय-२३ वर्षे, रा. आशा नगर, एमआयडीसी, सोलापूर या टोळीतील इसमांना सोलापूर शहर, उर्वरीत सोलापूर जिल्हा पुणे जिल्हयातील इंदापूर तालूका व उस्मानाबाद जिल्हा येथून दोन वर्षाकरीता तडीपार करण्यात आले आहे.
