सोलापूर : कार्यालयीन कामकाज सुधारणा अभियान व ई सर्व्हीस द डिजिटल प्लॅटफॉर्म अंतर्गत ई-सेवा ऑनलाइन प्रणालीचा उद्घाटन समारंभ सोमवारी जिल्हा परिदेच्या यशवंतराव चव्हाण सभागृहात आयोजित करण्यात आला, ग्रामविकास विभागाचे अप्पर मुख्य सचिव राजेश कुमार यांच्या हस्ते ऑनलाइन प्रणालीचा शुभारंभ झाला, यावेळी विभागीय उपायुक्त संतोष पाटील, उपयुक्त राहुल साखोरे, विजय मुळीक यांची प्रमुख उपस्थिती होती. जिल्हा परिषदेत मुख्य कार्यकारी अधिकारी दिलीप स्वामी, अर्थ व बांधकाम सभापती विजयराज डोंगरे, अतिरिक्त मुख्य कार्यकारी अधिकारी संतोष धोत्रे, उपमुख्य कार्यकारी अधिकारी चंचल पाटील, इशाधीन शेलकांदे, अजयसिंह पवार, स्मिता पाटील,डॉ शितल जाधव, भास्कर बाबर, जावेद शेख, यांची उपस्थिती होती.
यावेळी राजेश कुमार म्हणाले, अतिशय सुंदर उपक्रम असून, राज्यात सर्वात अगोदर हा सोलापूर जिल्हा परिषदेने राबवला, आम्ही बरेच दिवस वाट पाहत होतो, कर्मचारी सेवानिवृत्त झाला की,बरेच अडचणी उदभवतात,या प्रणालीचा 14 हजार जिल्हा परिषद कर्मचाऱ्यांना मदत होणार आहे, सोलापूर जिल्हा परिषद सर्व उपक्रमात अग्रेसर आहे,
कोरोना नियोजन मध्ये सोलापूर जिल्हा परिषद अतिशय चांगले काम केले आहे, त्यांचे अभिनंदन करतो, ग्रामविकास विभाग पूर्ण महाराष्ट्रभर सर्व जिल्हा परिषद स्तरावर हा उपक्रम राबविण्यात येणार आहे.
सीईओ दिलीप स्वामी म्हणाले,मागील वर्षभरात जिल्हा परिषदेत कामकाज करताना बार्शी पंचायत समिती येथील कर्मचारी आनंद साठे या कर्मचाऱ्याने सेवा पुस्तक स्कॅन करून पीडीएफ स्वरुपात कर्मचाऱ्यांच्या मोबाईलवर देण्याची संकल्पना मांडली होती. जिल्हा परिषदेत परत आल्यानंतर येथील अधिकारी व माहिती तंत्रज्ञान कक्ष यांच्याशी चर्चा केल्यानंतर ॲप स्वरूपात सेवा पुस्तक ऑनलाइन करण्याची संकल्पना मांडली. त्यानंतर सलग सहा महिने जिल्हा परिषद व पंचायत समिती कर्मचाऱ्यांनी अपार मेहनत घेऊन हे प्रचंड वाटणारे काम लिलया पार पडले. या सर्व कामकाजाचे संनियंत्रण तत्कालीन उपमुख्य कार्यकारी अधिकारी परमेश्वर राऊत व सध्याच्या उपमुख्य कार्यकारी अधिकारी चंचल पाटील यांनी उत्कृष्टरित्या केले.
उपमुख्य कार्यकारी अधिकारी चंचल पाटील यांनी प्रास्ताविक करताना आमच्या संवेदनशील व उपक्रमशील असे मुख्य कार्यकारी अधिकारी दिलीप स्वामी यांच्यामुळेच हे शक्य झाल्याचे सांगितले.
यावेळी या ॲपची निर्मिती करणारे प्रसंना स्वामी, तांत्रिक सहाय्य करणारे माहिती तंत्रज्ञान कक्षाचे श्रीधर कलशेट्टी व त्रिमूर्ती राऊत, हनुमंत गायकवाड, फंडाच्या स्लीप चे काम करणारे विलास मसलकर, बार्शी पंचायत समितीचे लिपिक आनंद साठे, साप्रवि मधील कनिष्ठ सहाय्यक नरेंद्र अकेले यांचा यावेळी सत्कार करण्यात आला.
कार्यक्रमाचे सूत्रसंचालन विवेक लिंगराज यांनी केले.तर आभार प्रदर्शन मुख्य लेखा व वित्त अधिकारी अजयसींह पवार यांनी मानले.
