सोलापूर शहर युवक कॉंग्रेस ची निवडणूक यंदा रंगतदार होणार असल्याचे चित्र आहे.
सोलापूर शहर युवक कॉंग्रेस ची निवडणूक जाहीर झाली असून, बारा नोव्हेंबर ते बारा डिसेंबर या दरम्यान सदस्य नोंदणी व मतदान होणार असून ऑनलाईन पद्धतीने मतदान होणार आहे, सध्या शहरातून अनेक जण या शहर युवक कॉंग्रेस अध्यक्ष पदासाठी इच्छुक असून अनेकांनी यासाठी अर्ज दाखल केला आहे.
शहर कॉंग्रेस एनएसयुआयचे गणेश डोंगरे यांच्यासह अनेकांनी अध्यक्ष पदासाठी अर्ज दाखल केला आहे, गणेश डोंगरे यांच्यासह विवेक कन्ना, झिशान सय्यद , सचिन वेरणेकर, आकाश गायकवाड, राजसाब शेख, अर्जुन साळवे, प्रशांत कांबळे, पवन दोडमनी, सचिन मानवी, सुशीलकुमार म्हेत्रे, प्रतीक अबुटे हे सुद्धा या शर्यतीत असणार आहेत, तर या निवडणुकीत 35 वयोमर्यादा असल्याने अंबादास करगुळे व विनोद भोसले यांना या निवडणुकीत अर्ज दाखल करता आले नाहीत, त्यामुळे आमदार ताईंचा बाबा युवक काँग्रेस मधून आउट झाल्याचं चित्र आहे.
त्यामुळे यंदा सर्व नवीन चेहरे असून कोण गुलाल उधळनार याकड़े सर्वांचे लक्ष लागले आहे. दरम्यान शहर युवक अध्यक्ष पदासह इतर जिल्हा व राज्य स्तरावरील अनेक पदांसाठी सुध्दा ही निवडणूक होत आहे. सोलापूर शहर व जिल्ह्यात युवक काँग्रेसमध्ये युवकचे प्रदेशाध्यक्ष सत्यजित तांबे आणि आमदार प्रणिती शिंदे असे सरळ सरळ दोन गट आहेत.शहरात जरी आमदार ताईंचे वर्चस्व असले तरी, सत्यजित दादा गट सुद्धा तितकाच सक्रिय आहे. शहरात ताईंचा गट बाजी मारेल मात्र इतर काही पदांवर तांबे गटाची दादागिरी चालेल अशी ही चर्चा काँग्रेसच्या कार्यकर्त्यांमध्ये आहे.
