सोलापूर – जोडभावी पेठ पोलीस ठाणे हद्दीत दिवसा व रात्री घरफोडी प्रकार वाढले होते . त्या अनुषंगाने घरफोडी गुन्हयातील आरोपीतांचा शोध घेऊन गुन्हा उघडकीस आणणेकामी पोलीस आयुक्त हरीश बैजल , पोलीस उप आयुक्त वैशाली कडुकर व सहाय्यक पोलीस आयुक्त माधव रेड्डी यांनी वरिष्ठ पोलीस निरीक्षक जोडभावी पेठ पोलीस ठाणेचे बाळासाहेब भालचिम व पोलीस निरीक्षक राजेंद्र करणकोट यांना गुन्हा उघडकीस आणणेबाबत आदेशीत केले होते .
त्याप्रमाणे वरिष्ठ पोलीस निरीक्षक जोडभावी पोलीस ठाणे सोलापुर यांनी गुन्हे प्रकटीकरणाचे पोलीस उपनिरीक्षक केतन मांजरे यांचे पथकास आदेशीत केले होते . नमुद पथकाने जोडभावी पेठ पोलीस ठाणे गु.र.नं. ५४१/२०२१ भा.द.वि.कलम २०१,३८०,४५४ , ४५७ , ४११,५११ प्रमाणे दाखल गुन्हयातील सराफ बाजार , पूर्व मंगळवार पेठ , सोलापुर येथील गुन्हयाचे घटनास्थळी भेट देऊन गुन्हयाचा तपास सुरु केला .
तपासा दरम्यान आरोपींनी सराफ दुकानात चोरी करण्यासाठी चारचाकी वाहनाचा उपयोग केला असल्याचे समजले . हे चारचाकी वाहन हे जिल्हा जालना दिशेने गेले असल्याचे समजले असता पथकासह जालना येथे जावून तेथील स्थानिक पोलीसांची मदतीने अश्या प्रकारचे गुन्हे करणाऱ्या आरोपींची स्थानिक गुप्त बातमीदारांकडुन माहिती काढली. सदरचा गुन्हा हा संजुसिंग कृष्णासिंग भादा , दिपकसिंग प्रल्हादसिंग टाक व भारतसिंग कपुरसिंग बावरी सर्व राहणार गुरुगोविंदसिंग नगर , जि . जालना या तिघांनी मिळुन केले असल्याची खात्रीशीर माहिती मिळाली .
मिळालेल्या माहितीच्या आधारे संशयीत इसम भारतसिंग कपुरसिंग बावरी यास जालना येथुन शिताफीने सापळा रचून ताब्यात घेऊन त्याचेकडे चौकशी केली असता सदरचा गुन्हा हा त्याने व त्याचे दोन साथीदारांच्या मदतीने केले असल्याचे कबुल केले . तसेच सदरचा गुन्हा करणेकरीता त्यांनी औरंगाबाद जिल्ह्यातुन चारचाकी वाहन चोरले असल्याचे सांगितले . त्यानंतर त्यास नमुद गुन्हयात अटक करुन त्याचे पोलीस कोठडी दरम्यान चोरलेल्या चांदीच्या दागिनेबाबत तपास केला असता चोरलेल्या चांदीच्या दागिनेपैकी काही चांदीचे दागिने त्यांचेकडुन हस्तगत केले.
चोरलेल्या चांदीच्या दागिनेपैकी काही चांदीचे दागिने हे त्याने जालना येथे राहणारा त्याच्या ओळखीचा सोनार राहुल वडगांवकर यास विक्री केले असल्याचे सांगितले . त्यानंतर राहुल वडगांवकर यांस ताब्यात घेऊन त्याचेकडुन देखील काही चांदीचे दागिने हस्तगत करुन त्यास देखील नमुद गुन्हयात अटक केले आहे . आरोपी भारतसिंग बावरी यांस विश्वासात घेऊन विचारणा केली असता त्याने व त्याचे दोन साथीदार संजुसिंग कृष्णासिंग भादा , दिपकसिंग प्रल्हादसिंग टाक असे मिळुन नमुद चारचाकी वाहनाचा वापर करुन वाशिम जिल्हयात सराफ बाजारात चोरी केल्याची कबुली दिली आहे .
या गुन्हयात चोरीस गेलेल्या दागिनेपैकी एकुण १० किलो ३४८ ग्रॅम वजनाचे चांदीचे दागिने व गुन्हयात वापरलेली चारचाकी मोटारवाहन क्र . MH२० BN २४६ ९ ही जप्त करुन एकुण ८,७०,८८० रुपयेचा मुद्देमाल हस्तगत केला आहे . गुन्हयात वापरलेले चारचाकी वाहन याबाबत अभिलेख तपासला असता औरगांबाद मधील क्रांति चौक पोलीस ठाणे , औरंगाबाद शहर गु.र.नं. ६५३/२०२१ भा.द.वि.कलम ३७ ९ मधील असल्याचे निष्पन्न झाले आहे . नमुद गुन्हयातील पाहिजे असलेले दोन आरोपींचा शोध घेणे सुरु आहे . या तपासा दरम्यान सोलापूर, औरंगाबाद व वाशीम जिल्ह्यातील एकुण ३ गुन्हे उघडकीस आणले आहे.
ही कारवाई पोलीस उपनिरीक्षक केतन मांजरे, पोहेकॉ आबा थोरात, महिला पोहेकॉ सरोज शिंदे, पोना सुरेश जमादार, पोना अतुल गवळी, पोना आय्याज बागलकोटे, पोकॉ सोमनाथ थिटे, पोकॉ राजेश घोडके, पोकॉ बाळु माने यांनी केली .
