सोलापूर : मतदान नोंदणीचे काम करण्यात टाळाटाळ केल्याप्रकरणी तसेच आपल्या शाळेतील शिक्षकांना या मोहिमेत न पाठवल्याबद्दल शहरातील कुचन प्रशाला तसेच त्र्यंबकेश्वर प्रशालेच्या मुख्याध्यापकासह शिक्षक महापालिका कर्मचारी अशा 18 जणांविरोधात उपविभागीय अधिकारी क्रमांक एक सदाशिव पडदूने यांच्या आदेशानुसार उत्तर सोलापूरचे तहसीलदार सैपन नदाफ यांनी सदर बझार पोलिस ठाण्यात गुन्हा दाखल केला आहे.
भारत निवडणूक आयोगाच्या सूचनेनुसार दि ०१/ ०१ / २०२४ या अर्हता दिनांकावर मतदान यादीचा विशेष संक्षिप्त पुनरीक्षण कार्यक्रम राबविण्यांत येत असून दिनांक २१ सप्टेंबर ते २१ ऑगस्ट २०२३ या कालावधीत मतदान केंद्रस्तरीय अधिकारी घरोघरी जाऊन सर्वेक्षणाचे काम पार पाडत आहेत. परंतु काही मतदान केंद्रस्तरीय अधिकारी व मतदान केंद्रस्तरीय पर्यवेक्षक सदरचे काम करण्यास टाळाटाळ करीत होते त्याना वेळोवेळी सूचना देऊनही त्यांनी सदरचे काम करण्यांस नकार दिला त्यांचे विरुध्द निवडणूकीचे कामात केलेल्या कसूरीस अनुसरुन लोकप्रतिनिधीत्व अधिनियम १९५१ चे कमल १३४ व लोकप्रतिनिधीत्व अधिनियम १९५० चे कलम ३२ नुसार सदरबझार पोलिस ठाण्यांत गुन्हे दाखल करणेत आले आहे.
मतदान केंद्र स्तरीय अधिकारी- सेवासदन प्रशाला 2, नू म वि मराठी शाळा 1, त्र्यंबकेश्वर विदयालय 1, म न पा शाळा 3, सरस्वती तुमप्पा प्रशाला 1, सोनामाता आदर्श विद्यालय 1, सिध्देश्वर बालक मंदीर 1, सोलापूर म न पा कर्मचारी 4
मतदान केंद्रस्तरीय पर्यवेक्षक- संभाजीराव शिंदे प्रशाला विडी घरकुल- 1, शहा कोठारी 1,
मुख्याध्यापक – त्र्यंबकेश्वर विद्यालय सोलापूर 1, कुचन प्रशाला रविवार पेठ 1
