सोलापूर : एका अल्पवयीन मुलीवर शारीरीक अत्याचार करुन तिचा खुन करण्याचा प्रयत्न केल्याप्रकरणी 20 वर्षाच्या आरोपीस जन्मठेप शिक्षा ठोठावत पिडीत मुलीस २ लाख रुपये नुकसान भरपाई देण्याचा आदेश जिल्हा न्यायाधीश श्रीमती यु एल जोशी यांनी दिला.
गोरखनाथ भिमा राठोड, वय-२० वर्षे, राहणार वडकबाळ, तालुका दक्षिण सोलापूर, असे जन्मठेपेची शिक्षा झालेल्या युवकाचे नाव आहे.
20 फेब्रुवारी 2019 रोजी ही घटना पडली होती अल्पवयीन मुलगी ही एकटी घरात असल्याचा फायदा घेत तिला गोड बोलून शेतामध्ये नेले तिच्यावर अत्याचार केला, तिच्या अंगावरील सोने काढून घेतले, तिला जीवे मारण्याच्या उद्देशाने तिचा गळा दाबून ती बेशुद्ध झाल्यानंतर आरोपी गोरखनाथ राठोड तिथुन फरार झाला. या प्रकरणानंतर पीडितेच्या आई-वडीलांनी मंद्रूप पोलीस ठाण्यात गुन्हा दाखल केला होता. या प्रकरणाची सुनावणी जिल्हा न्यायाधीश श्रीमती यु एल जोशी यांच्या समोर झाली यात आरोपीला जन्मठेपेची शिक्षा त्यांनी सुनावली आहे.
या प्रकरणामध्ये सरकार पक्षातर्फे जिल्हा सरकारी वकील अॅड. प्रदिपसिंग राजपूत यांनी काम पाहिले तर आरोपीतर्फे अॅड. राजद्र बायस यांनी काम पाहिले. तसेच तपासीक अंमलदार ए.पी.आय, डॉ. नितीन थेटे व कोर्ट पैरवी म्हणून ए. एस. आय विजयकुमार जाधव यांनी काम पाहिले.
जिल्हा सरकारी वकील प्रदिपसिंग राजपूत यांच्या युक्तिवादामध्ये महत्वाचे मुद्दे….
● आरोपीने अल्पवयीन मुलीस पळवून नेवून तिचेवर क्रूर अत्याचार करून तिचे अंगावरील दागिने लुटून तिचा खून करण्याचा प्रयत्न केल्याने आरोपीस जन्मठेपेची शिक्षा देवून ०५ लाख रुपये नुकसान भरपाई देण्यात यावी अशी मागणी केली.
●सदर खटल्यातील साक्षीदार हनुमंत भोई याने अल्पवयीन पिडीत मुलीस घटनास्थळावरुन तिच्या आई वडीलांकडे नेवून सोडून सामाजिक भावना जोपासून तिचे प्राण वाचवले त्यामुळे त्याला राष्ट्रपती पदक देणेसाठीची शिफारस पोलीस अधिक्षक कार्यालयामार्फत करण्यात यावी.
●दिवाणी न्यायाधिश वरीष्ठ स्तर सी जैन यांनी अल्पवयीन पिडीत मुलीचा जबाब कोरोना काळात सिव्हील हॉस्पीटल मध्ये जाऊन नोंदवला त्याबद्दल या कार्याची नोंद त्यांचे सव्हिस बुक मध्ये घेण्यात यावी.
● सदर खटल्यात सर्वात महत्वाची बाब म्हणजे जिल्हा न्यायाधीश श्रीमती यु. एल. जोशी यांनी अल्पवयीन पिडीत मुलीस मोफत उपचार करण्यात यावे यासाठी यशोधरा हॉस्पीटलला रात्री १०:०० वाजता फोन कला त्यामुळे तिचेवर मोफत अत्याधुनिक उपचार मिळाले व तिचे प्राण वाचले तसेच डी.ए.एल.एस.ए. कडून रु. ३५,०००/- रकमेची मदत औषधोपराचारासाठी मिळवून दिली त्यामुळे न्याय हा सर्वांसाठी घरादारापर्यंत येवून दिला जातो याचि प्रचिती आली याची दखल राष्ट्रीय स्तरावर घेणेत यावी.
