सोलापूर : पालकमंत्री हे पद मुळातच प्रशासकीय आहे. सोलापूर जिल्ह्याचे पालकमंत्री दत्तात्रय मामा भरणे हे प्रशासकीय कार्यक्रमांना वेळ कमी आणि राजकीय कार्यक्रमांना वेळ जास्त येतात अशी कायम ओरड प्रशासनातील अधिकाऱ्यांमधून ऐकण्यास मिळते. सोलापूर जिल्हा परिषदेने राज्यातील जिल्हा परिषद स्थापनेला 60 वर्षे पूर्ण झाल्याबद्दल तसेच सुंदर ग्राम पुरस्कार आणि ग्रामसेवक यांचा सत्कार असे तीन मोठे कार्यक्रम पालकमंत्री भरणे यांच्या उपस्थितीत घेतले होते.
बऱ्याच दिवसानंतर पालकमंत्र्यांनी वेळ दिला आणि या कार्यक्रमाला आपला सव्वा तास त्यांनी वेळ राखून ठेवला त्यामुळे जिल्हा परिषद प्रशासनाच्या चेहऱ्यावर आनंदी वातावरण होते परंतु कार्यक्रमाची वेळ दुपारी एक ची होती मात्र पालकमंत्र्यांची स्टेजवर एन्ट्री एक वाजून 45 मिनिटांनी झाली. केवळ अर्धा तास वेळ देऊन त्यांनी पटापट कार्यक्रम उरकला पालकमंत्र्यांचे गडबड पाहता जिल्हा परिषदेच्या प्रशासनातील अधिकारी यांच्या चेहऱ्यावर नाराजी दिसून आली. मुख्य कार्यकारी अधिकारी दिलीप स्वामी यांनी सुद्धा आपले प्रस्तावित केवळ चार मिनिटांमध्ये संपवले.
मात्र आपल्या भाषणामध्ये पालकमंत्र्यांनी सर्वांना सावरुन घेत मुळात आजचा दिवस हा लग्नाच्या मोठ्या मुहूर्ताचा असल्याने बरेच माजी अध्यक्ष आले नाहीत त्यांनी तसा फोन करून सांगितला, माझ्या सुद्धा जवळच्या नातेवाईकाचे लग्न असल्याने लग्न सोडून मी जिल्हा परिषदेच्या कार्यक्रमाला आल्याचं त्यांनी सांगितलं…..
