सोलापूरकरानों…, मतदारयादीत नाव शोधायचे आहे की आक्षेप नोंदवायचाय; महापालिकेने केली या मोबाईल ॲपची सोय

सोलापूर : राज्य निवडणूक आयोगानी सार्वत्रिक निवडणूक-2022 करिता नागरिकांना त्यांचे मतदार यादीतील नाव शोधणेकरिता तसेच प्रारूप मतदार यादीतील1) लेखनिकांच्या काही चुका,

(2) दुसऱ्या प्रभागातील मतदार चुकून अंतर्भूत झालेले3) संबंधित प्रभागातील विधानसभा मतदार यादीत मतदारांची नावे असूनही, महानगरपालिकेच्या संबंधित प्रभागाच्या मतदार यादीमध्ये नावे वगळण्यात आली असल्यास अशा मतदारांची नावे मतदार यादीत समाविष्ट करणे.याबाबत आक्षेप नोंदविणेकरिता True Voter अँपची सुविधा राज्य निवडणूक आयोगानी उपलब्ध करून दिलेली आहे. याकरिता खालील नमुद प्रमाणे Voter List Search व आक्षेप नोंदविता येऊ शकतील.

Voter List Search –

1) प्रथमतः नागरिकांनी आपल्या अँड्राईड मोबाईल मधील गुगल प्ले स्टोअर वर जाऊन True Voter नांवाचे अॅप सर्च करुन इन्स्टॉल करावयाचे आहे. सदर अॅप इन्स्टॉल झालेनंतर प्रथम आपली भाषा निवडावी. 

(2) सदर अॅप ओपन केल्यानंतर आपले मतदार यादीचा तपशिल शोधणेकरिता Voter List सर्च ऑपशन मध्ये जाऊन आपला जिल्हा, मतदार संघ निवडावा त्यानंतर आपले प्रथम नांव व आडनांव मधील कमीत-कमी दोन ते चार शब्द टाकून सर्च बटणवर क्लिक करावे.

3) तद्नंतर आपल्याला मतदार यादीमधील आपला तपशिल पुढील प्रमाणे स्क्रिनवर विधानसभा क्रमांक, यादी भाग क्रमांक, अनु. क्रमांक व प्रारूप यादी क्रमांक तसेच वार्ड क्रमांक दिसेल. प्रभाग क्रमांक चुकीचा  आढळल्यास त्याच स्क्रिनवरील माहितीच्या खालील बाजूस आक्षेप नोंदविण्याची सोय करण्यात आलेली आहे. 

आक्षेप (Objection)

1) प्रारूप मतदार यादीमध्ये आपले नांव योग्य त्या प्रभागामध्ये आढळून न आल्यास आपण आक्षेप (Objection) नोंदवू शकता मतदाराने स्वत:चाच मोबाईल नंबरचाच वापरून आक्षेप नोंदविणे अपेक्षित आहे. एकाच मोबाईल नंबर उपयोग करून अनेक मतदाराचे आक्षेप नोंदविता येणार नाही. आक्षेप नोंदविणेसाठी आपणास योग्य पत्ता नमुद करावयाचा आहे. त्यानंतर अधिकृत कागदपत्रांपैकी ओळखीचा पुरावा म्हणून आधार कार्ड, पॅन कार्ड, मतदान कार्ड, ड्राईव्होग लाईसन्स व पासपोर्ट कोणत्याही एक पुरावा अपलोड करावा. व आपला स्वत:चा फोटो अपलोड करण्यात यावा. त्यानंतर ते सबमिट या बटणावर क्लिक करून सादर करावे.