सोलापूर पुणे हायवेवर भरधाव ट्रकची दुचाकीला समोरून धडक ; एका तरुणाचा जागीच मृत्यू
रविवार ३१ मे २०२६ रोजी सकाळी सात वाजण्याच्या सुमारास पुणे सोलापूर राष्ट्रीय महामार्गावर अरण गावाच्या हद्दीत एच. पी. पेट्रोल पंपाजवळ पुण्यावरून सोलापूर येथे जात असलेल्या एका भरधाव ट्रक क्रमांक MH 14 KQ 1006 ने एका दुचाकी क्रमांक MH 45 J 1387 ला समोरून जोरदार धडक दिल्यामुळे झालेल्या अपघातात दुचाकीस्वार तरुणाच्या डोक्याला जबर मार लागल्याने त्या तरुणाचा जागीच मृत्यू झाला.
सदर अपघातामध्ये मृत्यू झालेल्या तरुणाला वरवडे टोल नाका येथील रुग्णवाहिकेमधून डॉ प्रशांत कारंजकर आणि रुग्णवाहिका चालक बंडू गायकवाड यांनी मोडनिंब येथील शासकीय रुग्णालयात शवविच्छेदनासाठी दाखल करण्यात आले असून या अपघाताची माहिती मिळताच वरवडे टोल नाका येथील ग्रस्तीपथक आणि मोडनिंब महामार्ग पोलिस मदत केंद्राचे अधिकारी उमेश पवार (PSI) आणि त्यांचे कर्मचारी तात्काळ घटनास्थळी दाखल झाले.
या अपघातामध्ये मृत्यू झालेल्या तरुणाचे नाव तुषार गणेश सावंत रा. अरण ता. माढा, जिल्हा सोलापूर, आहे. या सदर अपघाताची माहिती टेंभूर्णी पोलिस स्टेशन येथील अपघात विभागाचे अधिकारी जगताप आणि सरडे यांना वरवडे टोल नाका येथील ग्रस्तीपथक प्रमुख विजय साळुंके यांनी दिली आहे.
