प्रमोद गायकवाड यांच्या जेल बदलीचा अर्ज मागे घेतला ; वैभव वाघे खून खटल्यात महत्वाची घडामोड
सोलापूर- सिध्दार्थ हौसिंग सोसायटी सोलापूर येथे राहणाऱ्या वैभव वाघे याचा लोखंडी रॉड, लाकडी दंडुका, फरशी, पट्टा या प्राणघातक हत्यारासह अमानुष मारहाण करून त्याचा खून केल्याप्रकरणी तसेच पिडीत महिला, रितेश विलास गायकवाड, निलेश शिरसे, सागर शिरसे, सुमित विलास गायकवाड यांना मारहाण करून गंभीर जखमी करून जीवे ठार मारण्याचा प्रयत्न केल्याप्रकरणी माजी उपमहापौर
1.प्रमोद रामचंद्र गायकवाड,
2.प्रसेनजीत उर्फ लकी प्रमोद गायकवाड,
3.हर्षजीत उर्फ विकी प्रमोद गायकवाड,
4.किरण उर्फ मनोज दिलीप अंकुश,
5.श्रीजीत उर्फ सनी विलास निकंबे
6.समरसेनजित उर्फ टिपु प्रमोद गायकवाड
7.संजय उर्फ सोन्या देवेंद्र गायकवाड,
8.योगेश उर्फ सोन्या गांधी अस्वले
9.अजित ईश्वर गायकवाड यांच्याविरुद्ध सदर बझार पोलीस स्टेशन येथे वैभव वाघे याचा खून व जखमी साक्षीदारांना जीवे ठार मारण्याचा प्रयत्न केल्याप्रकरणी गुन्हा नोंदविण्यात आलेला आहे.
याप्रकरणी तपास पूर्ण होऊन न्यायालयात यापुर्वी दोषारोपपत्र दाखल केलेले होते.
तदनंतर पोलिसांनी कोर्टाच्या आदेशाने व आरोपीचे संमतीने केलेले व्हाईस रेकॉर्डिंग व सीसीटीव्ही तील आरोपीचे आवाजाचा नमुना तपासणीसाठी सायबर फॉरेन्सिक कडे पाठवून दिला. त्या पुराव्यासोबत पुरवणी दोषारोप पत्र न्यायालयात दाखल केले आहे.
त्याचप्रमाणे आरोपी प्रमोद गायकवाड याने त्यास कोल्हापूर येथील जेलमधून सोलापूर येथील जेलमध्ये हालवावे असा अर्ज न्यायालयात दाखल केलेला होता. परंतु न्यायालयाने त्यावर हुकूम करण्यापूर्वीच त्याने तो अर्ज मागे घेतला आहे.
यात हकिकत अशी कि, दि.१/१/२५ रोजी रात्री १२.३० वाजण्याच्या सुमारास भीमा कोरेगाव पुणे येथे शौर्य दिन साजरा करण्यासाठी सिध्दार्थ हौसिंग सोसायटीतील रिंकि शिवशरण, अदित्य दावणे, पुथ्वीराज शिरसे व रितेश गायकवाड हे थांबले असताना त्यावेळी बुद्ध विहारजवळ सर्व आरोपी हे त्यांच्या कुटुंबासह थांबलेले होते. प्रमोद गायकवाड पट्टा काढून अदित्य दावणे यास मारहाण करू लागला. त्यावेळी ऋतूज गायकवाड व रिकी शिवशरण यांनी अडविण्याचा प्रयत्न केला असता माजी उपमहापौर प्रमोद गायकवाड याने प्रसेनजीत उर्फ लकी, हर्षजीत उर्फ विकी व संजय उर्फ सोन्या या तिघांना आवाज देऊन “ रॉड काढून घेऊन या, या लोकांना माज आलेला आहे, कुठले भिकारडे घेतले. सर्वजण लोखंडी रॉड घेऊन आल्यानंतर सर्वांनी मिळून पिडीत महिला, रितेश गायकवाड, सुमित गायकवाड यांना मारहाण केली, त्यानंतर काही वेळाने वैभव उर्फ बंटी वाघे याने भांडण सोडविण्याचा प्रयत्न केला असता सर्व आरोपींनी मिळून त्यास मारहाण केली. त्यावेळी वैभव वाघे हा गाडीवरून निघून जाण्याचा प्रयत्न करीत असता समरसेनजीत उर्फ टिपू गायकवाड याने त्याला अडवून पाडले व रस्त्यावरून फारशी उचलून वैभव वाघे च्या डोक्यात घातली. त्यावेळी पुन्हा प्रमोद गायकवाड सह सर्व आरोपींनी मिळून लोखंडी रॉड व लाकडी दंडुकाचे सहाय्याने त्याचे सर्वांगावर मारहाण केली. प्रमोद गायकवाड व सर्व आरोपींच्या दहशतीमुळे वैभव वाघे यास सोडविण्यास कोणीही पुढे आले नाही. वैभव वाघे यास सिव्हिल हॉस्पिटल येथे उपचारास दाखल केल्यानंतर दि. ०६/०१/२०२५ रोजी तो मरण पावला. अशी फिर्याद आशा वाघे यांनी सदर बझार पोलीस स्टेशन मध्ये दाखल केलेली होती.
यात मुळ फिर्यादीतर्फे अँड. संतोष वि. न्हावकर, अँड वैष्णवी न्हावकर, अँड. राहुल रुपनर, तर सरकार पक्षातर्फे अँड. दत्ता पवार तसेच आरोपीतर्फे अँड शशी कुलकर्णी व अँड प्रशांत नवगिरे हे काम पाहत आहेत.
