मला बदनाम करण्याचा हा डाव ; हत्तूरे मामा म्हणाले, मी कायदेशीर कारवाई करेन
सोलापूर : महात्मा बसवेश्वर प्रतिष्ठानचे अध्यक्ष श्रीशैल मामा हत्तुरे यांच्या विरोधात शारदा बिराजदार यांनी दक्षिणचे आमदार सुभाष देशमुख यांच्याकडे लेखी तक्रार करत जागेच्या प्लॉट संबंधित आपली फसवणूक झाल्याचे तक्रारीत म्हटले आहे.
तक्रारदारांमध्ये शहर भारतीय जनता पार्टीच्या महिला उपाध्यक्ष शारदा बिराजदार, रेवणसिद्ध श्रीशैल माळी व श्रीशैल म्हैसलगीकर यांची नावे आहेत.
दरम्यान या प्रकरणी श्रीशैल हत्तुरे यांनी आपली प्रतिक्रिया देताना प्लॉट हा तक्रारदार यांच्या ताब्यात आहे, त्या ठिकाणी बोअर मारण्यात आली आहे. हा मला बदनाम करण्याचा जाणीवपूर्वक प्रयत्न केला जात आहे.
मी एवढे सहकार्य केले असताना जर ते असे वागत असतील तर ते योग्य नाही याबाबत मी त्यांच्यावर कायदेशीर कारवाई करणार असल्याचे सांगताना जाणीवपूर्वक प्लॉट धारकांना पुढे करून माझ्या विरोधात राजकीय षडयंत्र रचले जात आहे. त्याचा मी शोध घेणार असून अशा प्रवृत्तीला लवकरच त्यांची जागा दाखविन असा इशारा दिला.
