काका पक्ष बदलल्यावर तुम्हाला झोप येईल का? तुमच्या हृदयात माझे नाव आणि फोटो शरद पवारांच्या भेटीत काय झाला निर्णय
सोलापूर : शरदचंद्र पवार राष्ट्रवादी काँग्रेसचे सोलापूरचे जिल्हाध्यक्ष पद काढल्यानंतर नाराज झालेले ज्येष्ठ नेते बळीराम काका साठे यांच्यावर कार्यकर्ते व समर्थकांनी पक्ष बदलाचा दबाव टाकला होता. त्यामुळे काका साठे हे एकनाथ शिंदे यांच्या शिवसेनेत जातील अशा चर्चेने जोर धरला.
माजी जिल्हा परिषद सदस्य संजय पाटील घाटणेकर यांनी या प्रकरणात मध्यस्थी करत शरद पवार यांची भेट घेतली आणि काका साठे यांच्यासारखे जेष्ठ माणसं पक्षातून जाऊ नये त्यासाठी साहेबांनी प्रयत्न करावा अशी विनंती केली.
यानंतर शरद पवार यांनी फोन करून काका साठे यांना बारामती येथे भेटायला बोलावले. ठरलेल्या नुसार गुरुवारी बारामती मध्ये काका साठे, संजय पाटील घाटणेकर यांनी पवारांची भेट घेतली.
या भेटीमध्ये बराच वेळ चर्चा झाली. शरद पवार यांनी काका साठे यांना पक्ष बदलल्यावर तुम्हाला झोप येईल का? असा थेट प्रश्न केला. तुमच्या हृदयात माझे नाव आणि फोटो आहे त्यामुळे पक्ष सोडू नका असेही साहेबांनी त्यांना सांगितले. सोलापूर कडे माझेच दुर्लक्ष झाले असे मान्य करत येणाऱ्या जिल्हा परिषद, महानगरपालिका, पंचायत समिती निवडणुकीत उमेदवार मी स्वतः ठरवणार आहे.
त्याचबरोबर येता काही दिवसात सोलापूर लोकसभा आणि माढा लोकसभा असे दोन जिल्हाध्यक्ष करण्याची भूमिका पवार यांनी मांडली. त्यामुळे सोलापूर लोकसभेसाठी काका साठे हेच अध्यक्ष राहतील असे कार्यकर्ते सांगत आहेत.
