सिद्धेश्वर कन्या प्रशालेत प्रवेशोत्सव साजरा ; विद्यार्थ्यांचे झाले जंगी स्वागत
सोलापूर : राज्यात 16 जून पासून शाळेला सुरुवात झाली शाळेचा पहिला दिवस असल्याने विद्यार्थ्यांमध्येही प्रचंड उत्साह दिसून आला. सर्वच शाळांनी पहिल्या दिवशी विद्यार्थ्यांचे अतिशय जंगी आणि उत्साही वातावरणात स्वागत केले.
सोलापूरच्या सिद्धेश्वर कन्या प्रशालेमध्ये सुद्धा विद्यार्थिनींचे विशेष करून पहिल्यांदाच प्रशालेत प्रवेश घेतलेल्या विद्यार्थिनींच्या स्वागताची जोरदार तयारी केली होती.
या प्रवेशोत्सव सोहळ्याला माध्यमिक शिक्षण विभागातील उपशिक्षणाधिकारी स्वाती हवेले, पालक सदस्य प्रभूराज मैंदर्गीकर, इंटरनॅशनल ब्युटिशियन सोनल पांचाळ, प्रशालेच्या मुख्याध्यापिका संगीता गोटे, पर्यवेक्षिका सुनीता वाले यांची प्रमुख उपस्थिती होती.
नवीन विद्यार्थ्यांच्या स्वागताला गुलाबाच्या पायघड्या घालण्यात आल्या होत्या. प्रमुख पाहुण्यांच्या हस्ते नवीन विद्यार्थ्यांचे गुलाब पुष्प देऊन तसेच मुलांवर गुलाब पाकळ्यांची उधळण करत स्वागत करण्यात आले यावेळी मुलांना पहिल्या दिवशी पुस्तक देऊन त्यांचा आनंद द्विगुणीत केला.
