डॉ. ओमप्रकाश शेटे, डॉ. ब्रिजेशसिंह यांना डिजिटल मीडिया अधिवेशनाचे निमंत्रण
मुंबई, दि.: डिजिटल मिडिया संपादक पत्रकार संघटना महाराष्ट्रच्या सावंतवाडी येथे ६ एप्रिल २०२५ रोजी भोसले नॉलेज सिटी संकुलात होत असलेल्या तिसऱ्या महाअधिवेशनाचे निमंत्रण पंतप्रधान आयुष्मान भारत महाराष्ट्र मिशन समितीचे प्रमुख डॉ. ओमप्रकाश शेटे सहभागी होणार आहेत. तसेच महाराष्ट्र राज्याचे माहिती व जनसंपर्क महासंचालक डॉक्टर ब्रिजेशसिंह यांनाही प्रकट मुलाखतीचे निमंत्रण संघटनेचे संस्थापक अध्यक्ष राजा माने व उपाध्यक्ष सतीश सावंत यांनी भेट घेऊन दिले.
संघटनेचे निमंत्रण डॉ.शेटे यांनी स्वीकारले तसेच पत्रकार व त्यांच्या कुटुंबीयांच्या आरोग्य विषयक प्रश्नांमध्ये योग्य ती मदत करण्याची भावना व्यक्त केली. यावेळी पंतप्रधान आयुष्मान भारत मिशनच्या देशांत आणि महाराष्ट्रात चाललेल्या वाटचालीची त्यांनी दिली.राजा माने यांनी राज्यातील डिजिटल पत्रकारांच्या अडचणी व संघटनेच्या आजवरच्या वाटचालीबद्दल डॉ. ओमप्रकाश शेटे यांना माहिती दिली.
तर कृत्रिम बुद्धिमत्ता व आजची पत्रकारिता” या विषयावर प्रस्तावित मुलाखत घेण्याचा मानस असल्याचे डॉ. ब्रिजेशसिंह यांना सांगण्यात आले. यावेळी महाराष्ट्र शासनाच्या तयार होत असलेल्या डिजिटल मिडिया धोरणाविषयी चर्चा झाली. धोरणाच्या मसुद्यासाठी विशेष सूचना असतील तर त्या देण्या विषयी त्यांनी सूचित केले. राजा माने यांनी राज्यातील डिजिटल पत्रकारांच्या अडचणी व संघटनेच्या आजवरच्या वाटचालीबद्दल डॉ. ब्रिजेशसिंह यांना माहिती दिली.
