प्रणिती शिंदे यांच्या उपस्थितीत नरोटे- फुलारे जोडीने जिंकली मने ! पदयात्रेला उसळली गर्दी
विधानसभा निवडणुकीच्या पार्श्वभूमीवर 249 सोलापूर शहर मध्य विधानसभा मतदारसंघातील महाविकास आघाडीचे अधिकृत उमेदवार चेतन नरोटे यांच्या प्रचारार्थ तेलंगणाचे माजी खासदार पी. हणमंतराव खासदार प्रणिती शिंदे यांच्या प्रमुख उपस्थितीत निघालेल्या पदयात्रेत नरोटे आणि जॉन फुलारे जोडीने सर्वांचे लक्ष वेधले. यावेळी कार्यकर्त्यांनी या दोन्ही नेत्यांना खांद्यावर घेतल्याने तर कार्यकर्त्यांनी फुल्ल जल्लोष केला.
कोणापुरे चाळ आणि फॉरेस्ट भागातून जेव्हा ही रॅली निघाली तेव्हा ठिकठीकाणी नागरिकांनी सर्वांचे स्वागत केले.
या पदयात्रेत माजी नगरसेवक विनोद भोसले, प्रदेश सरचिटणीस संजय हेमगड्डी, रियाज हुंडेकरी, आरिफ शेख, जॉन फुलारे, माजी नगरसेविका श्रीदेवी फूलारे, बसवराज म्हेत्रे, गणेश डोंगरे, यांच्या प्रमुख उपस्थितीत प्रभाग क्र. 15 मध्ये वारद चाळ हनुमान मंदिर येथील पदयात्रेला सुरुवात करण्यात येऊन जुनी मिल चाळ, पाटील चाळ, जैनुद्दीन चाळ, NG मिल चाळ, रामलाल चौक, महापौर बंगला, जैन मेडिकल, स्वामी समर्थ मंदिर, पटवर्धन चौक, मार्केट चौक, चांदणी चौक मच्छी मार्केट कुमार चौक, काडादी चौक, गांधी पुतळा, भव्य पदयात्रा उत्साहात पार पडली. या पदयात्रेत हजारों नागरिक बंधू भगिनींनी सर्व पदाधिकारी, कार्यकर्ते एकत्र येत सहभाग घेतला.
यावेळी चेतन नरोटे म्हणाले की, प्रभाग 15 मधील जनतेने दिलेल्या भरघोस प्रतिसादामुळे माझे मनोबल उंचावले आहे. जनतेने विजयाचा विश्वास दिला आहे. या पदयात्रेत सहभागी झालेल्या सर्वांचे मनःपूर्वक आभार मानतो.
