अपक्ष सोमनाथ वैद्य यांचा वन-टू-वन प्रचार ; दक्षिणच्या जनतेने केले स्वागत
यंदाच्या विधानसभा निवडणुकीत दक्षिण विधानसभा मतदारसंघात प्रचंड चुरस पाहायला मिळते. या ठिकाणी अनेक जण एकमेकांच्या विरोधात उभे आहेत त्यामुळे सप्तरंगी लढत होत आहे.
मागील सहा महिन्यापासून दक्षिण मध्ये एन्ट्री केलेले एडवोकेट सोमनाथ वैद्य यांच्या नावाची जोरदार चर्चा आहे. या निवडणुकीत त्यांनी अपक्ष उडी घेतली आहे त्यांना मिळालेल्या सीसीटीव्ही कॅमेरा हे चिन्ह आता ते सोलापूर तालुक्यात घरोघरी आणि नागरिकांची थेट संवाद करून स्वतः पोहोचवत आहेत.
उमेदवार स्वतः आपल्या दारात आणि बांधावर आल्याने ग्रामीण भागातील जनता त्याचे स्वागत करत आहेत. मागील पाच ते सहा महिन्यांपासून सोमनाथ वैद्य यांनी दक्षिण मध्ये विविध सामाजिक आणि धार्मिक उपक्रमांमधून आपला स्वतःचा ठसा उमटवला.
ग्रामीण मधील महिला, युवक, शेतकरी, बेरोजगार यांचे प्रश्न जाणून त्यासाठी विधानसभेत आवाज उठवण्याचा शब्द दिला आहे. दक्षिण सोलापूर तालुक्यातील जनता हाच माझा पक्ष हे शीरसंवाद्य मानून ते प्रचार करत आहेत.
