शिवसेनेचे मनीष काळजे यांची भाजपच्या देवेंद्र कोठे यांच्यासाठी माघार ; शहर मध्यवर भगवा फडकवणार
सोलापूर : काँग्रेसचा बालेकिल्ला असलेल्या सोलापूर शहर मध्य या मतदारसंघात अनेक राजकीय घडामोडी घडल्या उमेदवारी अर्ज मागे घेण्याचा दिवशी शिवसेनेत मधून स्वराज्य पक्षात गेलेले जिल्हाप्रमुख मनीष काळजे यांनी माघार घेताना भारतीय जनता पार्टीचे उमेदवार देवेंद्र कोठे यांना पाठिंबा दिला आहे.
काळजे यांच्या कार्यालयात उमेदवार देवेंद्र कोठे, शहराध्यक्ष नरेंद्र काळे, माजी नगरसेवक गुरुशांत धुतरगावकर यांची बैठक झाली. यानंतर काळजे यांनी आपला उमेदवारी अर्ज मागे घेतला. स्वराज्यच्या शेल्या ऐवजी पुन्हा शिवसेनेचा शेला गळ्यात घातल्याचे दिसून आले.
यावेळी बोलताना काळजे यांनी मागील पंधरा वर्षापासून शहर मध्य वर शिवसेनेचा भगवा फडकवण्याचे स्वप्न आता पूर्ण होणार असल्याचे सांगितले.
