सोलापुरात गोल्डन नगरसेविकेने भरला अपक्ष अर्ज ; “पंधरा वर्षे त्या ताईला दिले, पाच वर्षे मला द्या” पहा कसा विकास करते
सोलापूर : काँग्रेसच्या माजी नगरसेविका श्रीदेवी फुलारे यांनी शक्ती प्रदर्शन करत अपक्ष म्हणून सोलापूर शहर मध्य या मतदारसंघात आपला उमेदवारी अर्ज दाखल केला.
अंगावर सुमारे किलोभर सुने घालून त्या उमेदवारी अर्ज दाखल करण्यासाठी आल्या होत्या. सोबत पती जॉन फुलारे, चिरंजीव विराज फुलारे, जीवन शिंदे, जयश्री गवळी,विद्या हाक्के हे उपस्थित होते.
यावेळी माध्यमांशी बोलताना श्रीदेवी फुलारे यांनी मागील दहा वर्षात नगरसेविकेच्या माध्यमातून आपण सर्व समाज घटकाच्या विकासासाठी व त्यांना न्याय देण्याचे काम केले आहे. मुस्लिम, मोची, ख्रिश्चन, ब्राह्मण, मागासवर्गीय या समाजाला मूलभूत सुविधा दिल्या आहेत. त्या जोरावरच आपण ही निवडणूक लढवत असल्याचे सांगत आजपर्यंत पंधरा वर्षे एका ताईला संधी दिली, पाच वर्षे या ताईला संधी द्या, पहा विकास कसा होत नाही या शब्दात त्यांनी आपली भूमिका मांडली.
