“करू किंवा मरू पण, दिलीप मानेंना आमदार करू” ; मानेंच्या बंगल्या समोर हजारों कार्यकर्त्यांसाठी ठिय्या
सोलापूर : दक्षिण विधानसभा मतदारसंघातून काँग्रेस पक्षातर्फे इच्छुक असणारे माजी आमदार दिलीप माने यांच्या होटगी रोडवरील सुमित्रा या निवासस्थानासमोर हजारो कार्यकर्त्यांनी ठिय्या मांडत दक्षिण विधानसभा मतदारसंघातून दिलीप माने यांना उमेदवारी द्यावी अशी जोरदार मागणी केली. करू किंवा मरू पण दिलीप माने यांनाच आमदार करू असा निर्धार या ठिकाणी कार्यकर्त्यांनी घेतला आहे. युवा नेते पृथ्वीराज माने हे सुद्धा या कार्यकर्त्यांसमवेत बसले आहेत. पक्षाने जर दिलीप माने यांचा विचार नाही केला तर अपक्ष उमेदवारी अर्ज भरतील आणि सांगलीचे पुनरावरती होईल अशा भावनाही कार्यकर्ते व्यक्त करीत आहेत.
दक्षिण सोलापूर विधानसभा मतदारसंघाची जागा महाविकास आघाडी तर्फे शिवसेनेला गेली असून त्या ठिकाणी अमर पाटील यांना उमेदवारी देण्यात आले आहे. त्यामुळे माने यांचे दक्षिण सोलापूर आणि उत्तर सोलापूर तालुक्यातील कार्यकर्ते आक्रमक झाले आहेत.
काहीही करून दिलीप माने यांनाच काँग्रेस पक्षातर्फे दक्षिणची उमेदवारी द्यावी अशी जोरदार मागणी यावेळी करण्यात येत आहे. दिलीप माने यांचेच नेतृत्व दक्षिणला तारू शकते. असा सूर कार्यकर्त्यांमधून निघत आहे. या मतदारसंघातील प्रत्येक गावातील कार्यकर्ते आपल्या भावना मांडत आहेत. काही वेळात या ठिकाणी दिलीप माने यांचे आगमन होईल त्यानंतर ते स्वतः आपले भूमिका स्पष्ट करतील.
