एमआयएमचे मोहसीन मैंदर्गीकर यांचा शहर उत्तर मधून अर्ज दाखल ; उत्तर मध्ये परिवर्तन घडवणार
सोलापूर : शहर उत्तर या मतदारसंघातून एम आय एम पक्षाकडे उमेदवारी मागितलेले पक्षाचे युवक अध्यक्ष मोहसीन मैंदर्गीकर यांनी शुक्रवारी दुपारी आपला अर्ज दाखल केला.
एम आय एम कार्यकर्ते समर्थकांसह मैंदर्गीकर यांनी मंगळवार बाजार पासून रॅली काढली, या रॅलीत एमआयएम पक्षाचे हिरवे झेंडेसह भगवे आणि निळे झेंडे घेऊन कार्यकर्ते सहभागी झाले होते. कौतम चौक, बारा इमाम चौक, बेगम पेठ पोलीस समोरून निवडणूक कार्यालयावर आली.
शहर उत्तर निवडणूक कार्यालयात दुपारी एकच्या सुमारास आपला उमेदवारी अर्ज दाखल केला. यावेळी माजी नगरसेविका वाहिदा भंडाले, सलमा सय्यद हे उपस्थित होते.
यानंतर माध्यमांशी बोलताना या मतदारसंघातील मुस्लिम समाज, आंबेडकरी समाज व इतर सर्वधर्मसमभाव मानणाऱ्या समाजात माझी चांगली ओळख आहे. या मतांच्या जोरावरच ही विधानसभा निवडणूक लढवत आहे आणि या मतदारसंघात निश्चित परिवर्तन घडवणार असा दावा केला.
