सोलापूरातील हुतात्मा स्मृती मंदीरात फैशन शो आणि डान्स स्पर्धेची मेजवानी सोलापूरकरांना मिळाली. अदाकार व कलाकारांनी प्रेक्षकांची नजर स्टेजवर खिळवून ठेवत सरत्या वर्षाला गुड बाय आणि नव्या वर्षाचे स्वागत केले.
फैशन डिझाईनर रोहित उबाळे, मेकअप आर्टिस्ट अमृता कल्याणी, शितल मिरगणे, रितू चौधरी व टीमने पुन्हा एकदा सोलापूरकरांना मनोरंजक अशा इव्हेंटची लज्जत दिली. कार्यक्रम यशस्वी करण्यासाठी कला प्रेमी व सामाजिक कार्यकर्ते महेश निकंबे यांचे मोलाचे सहकार्य लाभले.
डिसेंबरचा महिना, सरते वर्ष आणि नव्या वर्षाची चाहुल याचा आनंद साजरा करत फैशन शोचा जलवा वन्स मोअरने दुमदुमला. प्रेक्षकांच्या पसंतीस उतरलेल्या शो ने वन्स मोअरला मान देत आणखी एकदा फैशन शो स्टेज परफॉरर्मन्स केला.
यावेळी फैशन शो मध्ये शो स्टॉपर मानसी उबाळे व लक्ष्मी, नंदिनी, तेजस्विनी, स्मिता, आरोही, वैष्णवी, नेहा, सोनाली, स्नेहल यांनी ऑर्गेंजा लेहंगा आणि ओंकार, संकल्प, लक्ष, निहार, प्रद्युम्न, योगेश, दानिश, नय्यर, पियुष या कलाकारांनी कुरता पजामा थीमचा पोषाख परिधान करून स्टेज गाजवला. कार्यक्रमात शेकडो थोरामोठ्यांसोबत युवा वर्गाने या फैशन शो चा आनंद लुटला.
