सुरेश हसापूरे यांना गणपती पावणार ! एकनिष्ठ तेचे फळ मिळणार ..! साहेबांच्या वाढदिवसाचे केले योग्य नियोजन
सोलापूर : काँग्रेसचे जिल्हा कार्याध्यक्ष दक्षिणचे नेते सुरेश हसापुरे यांना यंदा गणपती पावणार अशी चर्चा असून त्यांना एकनिष्ठतेचे फळ मिळेल असेही बोलले जात आहे.
आगामी विधानसभा निवडणुकीच्या पार्श्वभूमीवर हसापुरे यांनी दक्षिण सोलापूर विधानसभा मतदारसंघात मॅरेथॉन कार्यक्रमाची सुरुवात केली आहे. दररोज त्यांचे तालुक्यात दौरे होतात, रोज कार्यकर्त्यांशी त्यांचा संपर्क असून त्यांनी गाठीभेटीवर भर दिला आहे. तालुक्यातील नागरिकांची कामे करण्यात ते माहीर आहेत. थेट संबंधित अधिकाऱ्यासोबत बसून काम करून घेण्यात त्यांचा हातखंडा कोणालाही जमत नाही.
दक्षिण विधानसभा मतदारसंघातील मतदार यादीवर हसापुरे यांनी भर दिला असून आहे. गेल्या श्रावणमासा पासून अनेक कार्यक्रम घेतले. प्रवचन कार्यक्रमासह महाप्रसादाचे वाटप केले.
आता गणेशोत्सव निमित्त जुळे सोलापूर मधे अनेक कार्यक्रम घेण्याचे नियोजन करण्यात आले आहे.
काँग्रेस नेते सुशीलकुमार शिंदे यांच्या वाढदिवसानिमित्त सुद्धा अनेक सामाजिक कार्यक्रमाचे नियोजन करण्यात आले आहे. विशेष करून सर्व वर्तमानपत्रात जाहिरातींचे नियोजन सुद्धा हसापुरे यांनीच केल्याचे सांगण्यात आले.
नुकत्याच झालेल्या लोकसभा निवडणुकीत काँग्रेसचे आमदार प्रणिती शिंदे यांनी मोठा विजय मिळवून त्या खासदार झाल्या. त्या विजयात सुद्धा हसापुरे यांचा वाटा महत्त्वाचा होता. शिंदे यांच्या विश्वासाला पात्र राहून असा हसापूरे यांनी केलेले नियोजन, शिंदे कुटुंबाशी एकनिष्ठ राहिलेले फळ यावेळेस मिळणार असून गणपती बाप्पा यंदा हसापूरे यांना पावणार असे एकंदरीत चित्र पाहायला मिळत आहे.
