सोलापूर : संत रविदास मध्यवर्ती जयंती उत्सव महामंडळाच्या अध्यक्षपदी निवड झाल्याबद्दल माजी नगरसेविका श्रीदेवी फुलारे यांचा सत्कार करण्यात आला.
संत रविदास यांची जयंती शहर परिसरात मोठ्या उत्साहात आणि विविध उपक्रमाने साजरी करण्यात येते कोरोनाच्या परिस्थितीमुळे दोन वर्षे या मध्ये खंड पडलेला होता यंदा मात्र हा जयंती उत्सव मोठ्या प्रमाणावर साजरा करण्याचा निर्धार करण्यात आला आहे या संदर्भात समाजबांधवांच्या पार पडलेल्या बैठकीत मध्यवर्ती जयंती उत्सव महामंडळाच्या अध्यक्षपदी माजी नगरसेविका श्रीदेवी फुलारे यांची एकमताने निवड करत उत्सवा संदर्भात नियोजन करण्यात आलं.
दरम्यान संत रविदास मध्यवर्ती जयंती उत्सव महामंडळाच्या अध्यक्षपदी निवड झाल्याबद्दल मोची समाज शहर जिल्हा संघटनेच्यावतीने अध्यक्ष देवेद्र भंडारे यांच्या हस्ते रेल्वे लाईन परिसरातील कार्यालयात नगरसेविका श्रीदेवी फुलारे यांचा सत्कार करण्यात आला पालिकेत प्रभावी पणे कार्य करून लोकांना न्याय मिळवून देण्यात पुढे असणाऱ्या श्रीदेवी फुलारे यांच्या अध्यक्षतेखाली समजाभीमुख अशा पद्धतीने हा जयंती उत्सवं पार पडेल असा विश्वास देवेद्र भंडारे,माजी महापौर संजय हेमगड्डी तसेच परिवहन समितीचे माजी सभापती बसवराज म्हेत्रे, हणमंतू सायबोळू आदिसह मान्यवरांनी व्यक्त केला.
सत्काराला उत्तर देताना श्रीदेवी फुलारे यांनी सर्वांच्या सहकार्याने संत रविदास जयंती मोठ्या प्रमाणावर साजरी करण्याचा मानस व्यक्त केला.
याप्रसंगी प्राध्यापक नरसिंह असादे, सिद्राम कामाठी, शिवराम जगले, कुमार जंगडेकर, शांतराज म्हेत्रे, विजयकुमार मरेड्डी, नागनाथ कासलोलकर, मारुती जंगम, नागनाथ म्हेत्रे, रंगनाथ मरेड्डी, रामकृष्ण पल्ले, विठ्ठल म्हेत्रे, बाबू उपलाकार, कुमार नंदा, अंबादास नाटेकुर, मोची समाज युवक संघटना अध्यक्ष रतिकांत कमलापुरे, राष्ट्रिय चर्मकार महासंघ अध्यक्ष संजय शिंदे, जांबमुनी मोची समाज रथोत्सव समिती अध्यक्ष अशोक सायबोळू, आनंद भंडारे आदींची उपस्थिती होती.
