पोलीस अधीक्षक अतुल कुलकर्णी यांना बांधली राखी ; राष्ट्रवादी महिला आघाडीने केले असे स्वागत
सोलापूर : सोलापूर ग्रामीणचे नवे पोलीस अधीक्षक अतुल कुलकर्णी यांचे अजित पवार राष्ट्रवादी काँग्रेसच्या महिला आघाडीने आगळ्यावेगळ्या पद्धतीने स्वागत केल्याने स्वतः एस पी कुलकर्णी ही भारावून गेले.
गुरुवारी राष्ट्रवादी काँग्रेसच्या महिला जिल्हा कार्याध्यक्ष उज्वला पाटील, प्रदेश सचिव सायरा शेख, प्रदेश सचिव लता ढेरे, जिल्हा उपाध्यक्ष नागर चवरे, कल्पना मसळे, प्रतिभा बेलक्षत्रे, भागश्री कोळी, वंदना क्षीरसागर, विश्वंभर क्षीरसागर व शिवा कोळी यांनी एसपी अतुल कुलकर्णी यांची भेट घेतली.
यावेळी कुलकर्णी यांना उज्वला पाटील यांनी राखी बांधून त्यांना गुलाबाचे रोप देऊन त्यांचे स्वागत केले. या वेगवेगळ्या स्वागताने कुलकर्णी हे भारावून गेल्याचे पाहायला मिळाले.
ग्रामीण पोलीस प्रशासन कायम आपल्याला सहकार्य करेल अशी ग्वाही देताना आपल्या भागात महिलांना कोणता त्रास होत असेल तर जरूर सांगा अशा लोकांवर पोलीस जरब बसवेल असा इशाराही कुलकर्णी यांनी दिला.
यानंतर तालुका पोलीस ठाण्याचे पोलीस निरीक्षक राहुल देशपांडे यांनाही या शिष्टमंडळाने राखी बांधून त्यांचेही स्वागत केले.
