सोलापूर सार्वजनिक बांधकाम विभागाच्या अधीक्षक अभियंता पदी संभाजी धोत्रे ; माळी यांची बदली
सोलापूर : राज्याच्या सार्वजनिक बांधकाम विभागाने अधीक्षक अभियंता संवर्गातील चार अधिकाऱ्यांच्या बदल्या केल्या असून त्यामध्ये सोलापूरचे अधीक्षक अभियंता संजय माळी यांची बदली करण्यात आली आहे.
माळी यांच्या जागेवर यवतमाळ सार्वजनिक बांधकाम विभागाचे अध्यक्ष अभियंता संभाजी धोत्रे यांची नियुक्ती झाली आहे. अधीक्षक अभियंता संजयकुमार माळी यांना अद्यापही पदस्थापना देण्यात आलेली नाही. दरम्यान बुधवारी धोत्रे यांनी पदभार स्वीकारला. कार्यालयातील इतर अधिकाऱ्यांनी त्यांचे स्वागत केले.
