दक्षिण मधून धवलसिंहाच्या उमेदवारीवर आम्ही ठाम ! रमेश हसापुरेंच्या पत्रातील सह्यांशी आमचा संबंध नाही
सोलापूर : काँग्रेसचे जिल्हा संघटक रमेश हसापुरे यांनी प्रदेशाध्यक्ष नाना पटोले यांना पत्र देऊन दक्षिण सोलापूर विधानसभा मतदारसंघाच्या उमेदवारीची मागणी केली त्या पत्रावर जिल्हाध्यक्ष धवलसिंह मोहिते पाटील यांचे समर्थक सुधीर लांडे, भीमराव बाळगे यांच्या सह्या होत्या.
दरम्यान या पत्रावरून आणि आलेल्या बातमीवरून राजकीय गदारोळ उडाला असून रमेश हसापुरे यांनी दिलेल्या पत्रांमधील सह्यांशी आमचा कोणताही संबंध नाही. उलट आम्ही यापूर्वीही दक्षिण सोलापूर मतदारसंघातून डॉक्टर धवलसिंह मोहिते पाटील यांच्या उमेदवारीची मागणी केली आहे आणि यापुढेही त्या मागणीवर आम्ही ठाम राहणार आहोत असे स्पष्टीकरण दिलेले पत्र विभाग सरचिटणीस भीमराव बाळगे व ओबीसी चे प्रदेश उपाध्यक्ष सुधीर लांडे यांनी सिंहासनला दिले आहे.
या पत्रावर माजी सभापती अशोक देवकते यांचीही सही होती परंतु देवकते यांनीही फोनवरून ती सही माझी नाही, उलट मी स्वतः दक्षिणमधून इच्छुक आहे तशी मागणी माझ्या कार्यकर्त्यांनी पक्षश्रेष्ठींकडे केली आहे असे स्पष्टीकरण दिले आहे.
