सोलापूर – सोलापूर शहरात जड वाहनाने आणखी एक बळी घेतला आहे. असद अल्ताफ बागवान वय 3 वर्ष, राहणार, कर्जाळ, तालुका अक्कलकोट असे मृत बालकाचे नाव आहे. हा अपघात अशोक चौक पोलीस चौकी ते अक्कलकोट नाका या रस्त्या दरम्यान घडला.
आजी आजोबा सोबत हा बालक दुचाकीवर येत असताना सोलापूर शहरात खराब रस्ता आणि जड वाहतुकीने हा बळी घेतला. ट्रकने चिरडल्याने रस्त्यावर रक्ताचा सडा पडला होता. ट्रक क्रमांक एम एच 13 सीयु 0194 असे असून ट्रक चालकाला जेलरोड पोलिसांनी ताब्यात घेतले.
आजी मुमताज सरदार बागवान वय 45, रा कर्जाळ, ता अक्कलकोट या देखील गंभीर जखमी झाल्या आहेत. शासकीय रुग्णालयात उपचारासाठी दाखल करण्यात आले आहे, तर तीन वर्षीय बालक अल्ताफ बागवान याचे मृतदेह शवविच्छेदनसाठी दाखल करण्यात आला आहे.
