सोलापुरात भर पावसात भाजप कार्यकर्त्यांनी पाहिला मोदींचा शपथविधी सोहळा
भारताचे यशस्वी प्रधानमंत्री नरेंद्र मोदी यांनी तिसऱ्यांदा प्रधानमंत्री पदाची शपथ घेतली हा ऐतिहासिक क्षणाचे थेट प्रक्षेपण व विजयी जल्लोष सोहळा भाजप प्रदेश पदाधिकारी यांनी कन्ना चौकात साजरा केला याप्रसंगी नागरिकांनी मोठ्या प्रमाणात शपथविधी सोहळा पाहण्यासाठी भर पावसात गर्दी केली होती.
तिसरी बार मोदी सरकार या घोषणांनी संपूर्ण परिसर दणाणून गेला होता. ढोल ताशा, मिठाई वाटप करून आनंदोत्सव करताना, संपूर्ण परिसर गुलालाने भगवामय झाला होता. बाल गोपाळांपासून ते वयोवृद्ध लोक या कार्यक्रमात सहभागी पाहायला मिळाले,विशेष म्हणजे हातात मोदींचे असलेले पोस्टर आकर्षण करत होते.
या कार्यक्रमाचे आयोजन भाजप प्रदेश कार्यकारणी सदस्य हेमंत पिंगळे, भाजयुमो प्रदेश सचिव अक्षय अंजिखाने, भाजप विशेष निमंत्रित सदस्य सागर अतनुरे, भाजप कार्यकर्ते स्वप्नील एकबोटे यांनी केले होते.
