उत्तर सोलापूर : श्री छत्रपती शिवाजी महाराज जयंतीनिमित्त यश फाउंडेशनच्या वतीने राष्ट्रवादी काँग्रेसचे उत्तर तालुकाध्यक्ष प्रल्हाद काशीद यांच्या मार्गदर्शनाखाली विविध सामाजिक उपक्रम राबविण्यात आले. 10 किलोमीटर मॅरेथॉन स्पर्धेने सर्वांचे लक्ष वेधले.
प्रारंभी श्री छत्रपती शिवाजी महाराजांच्या मूर्तीची पूजा राष्ट्रवादी काँग्रेसचे जिल्हाध्यक्ष बळीराम साठे, आमदार यशवंत माने, अप्पर पोलीस अधीक्षक हिम्मत जाधव, जिल्हा परिषदेचे मुख्य लेखाधिकारी अजयसिंह पवार, पोलीस उपाधीक्षक अमोल भारती, द्राक्ष बागायतदार दत्तात्रय काळे, बाजार समितीचे संचालक नामदेव गवळी, बाळासाहेब पाटील यांच्या प्रमुख उपस्थितीत करण्यात येऊन मॅरेथॉनचे हिरवा झेंडा दाखवून उद्घाटन करण्यात आले.
या स्पर्धेत मुलांमध्ये अनुक्रमे वैभव बबलादी, किशोर लामकाने, संदेश भोसले यांनी तर मुली व महिलांमध्ये अनुक्रमे शोभा बनसोडे, सपना पवार, निकिता शेळके यांनी बाजी मारली.
शिवजयंती निमित्ताने आधार कार्ड शिबीर, रक्तदान शिबीर, आयुष्यमान भारत कार्ड, रेशनकार्ड शिबिरासह बेरोजगार युवकांसाठी एलएचपी व प्रिसीजन कडून नोकरी शिबीर ही घेण्यात आले.
या कार्यक्रमाला बाळासाहेब पाटील, बीभीषण पाटील, राष्ट्रवादीच्या कार्याध्यक्ष सुवर्णा झाडे, भाग्यश्री काशिद, संध्या सूर्यवंशी, वर्षाली पवार, करूणा स्वामी, स्नेहल जाधव, ज्योती पवार यांचीही प्रमुख उपस्थिती होती.
उपक्रम यशस्वी होण्यासाठी प्रकाश काशीद, ज्ञानेश्वर शिरसाट, मंगेश साठे, प्रवीण भाले, नितीन विधाते, मुकुंद सूर्यवंशी, प्रशांत काशीद, रणजीत काशिद, नागेश शिंदे, संतोष रोकडे, योगेश काटकर, प्रकाश हत्ती, जय काशीद, अविनाश गोंगाणे, प्रदीप काशिद, जय काशिद, प्रमोद काशिद, प्रतीक पवार, अजित पाटील, भगवान कदम, प्रवीण पवार, संतोष पवार, सोमनाथ पाटील, योगेश पाटील, गणेश पाटील, गणेश बचुटे, संतोष सावंत, सुरज देशमुख, योगेश माळी, पांडुरंग जाधव, अक्षय मुळे यांनी परिश्रम घेतले.
