सोलापुरात एमआयएमला धक्का ; पक्षाचे दोन मोठे नेते काँग्रेस पक्षात दाखल
सोलापूर : सोलापूर लोकसभा निवडणूक मध्ये उमेदवार न देण्याचा निर्णय घेतलेल्या एम आय एम पक्षाचे दोन प्रमुख नेते काँग्रेस पक्षामध्ये दाखल झाले आहेत.
एम आय एम पक्षाचे जनरल सेक्रेटरी कोमारोह सय्यद तसेच माजी प्रवक्ते शफी हुंडेकरी या दोन्ही नेत्यांनी काँग्रेसचे ज्येष्ठ नेते सुशीलकुमार शिंदे यांच्या प्रमुख उपस्थितीमध्ये एम आय एम सोडून काँग्रेस पक्षात प्रवेश केला.
यावेळी शौकत पठाण, रियाज हुंडेकरी, जुबेर कुरेशी, हसिब नदाफ, शहराध्यक्ष चेतन नरोटे, जिल्हा कार्याध्यक्ष नंदकुमार पवार यांच्यासह इतर नेते मंडळी उपस्थित होती.
यावेळी माध्यमांशी बोलताना कोमारोह सय्यद आणि शक्ती हुंडेकरी म्हणाले सध्या देशाचे संविधान धोक्यात आहे जातीवादी पक्ष भाजपा हे आपकी बार चारसो पार हा नारा देऊन संविधान बदलण्याची भाषा करत आहे अशा शक्तीला रोखणारी एकमेव पक्ष म्हणजे काँग्रेस आहे त्यासाठी सर्वधर्मसमभावाला मानणाऱ्या प्रत्येकाने काँग्रेसच्या पाठीशी खंबीर उभे राहावे असे आवाहन केले.
