माढा लोकसभेच्या निवडणुकीतून सहा जणांची माघार ; कोण आहे ते सहा उमेदवार ; 32 उमेदवार निवडणूक रिंगणात
सोलापूर : लोकसभा निवडणुकीच्या उमेदवारी अर्ज माघार प्रक्रियेच्या दिवशी माढा सर्वसाधारण लोकसभा मतदारसंघातून सहा उमेदवारांनी आपले अर्ज मागे घेतले त्यामध्ये शेतकरी कामगार पक्षाचे एडवोकेट सचिन देशमुख यांचा समावेश होता. तसेच यमराजाच्या रूपात रेड्यावरून आलेले उमेदवारी अर्ज भरायला आलेले राम गायकवाड उमेदवारी अर्ज माघार घ्यायला मात्र मर्सिडीज मधून आले होते.
माढा लोकसभा मतदारसंघासाठी 42 उमेदवारांनी 55 अर्ज दाखल केले होते, त्यामध्ये अर्ज छाननी मध्ये 38 उमेदवारांचे 47 अर्ज वैध ठरले. 38 उमेदवारांपैकी सहा जणांनी माघार घेतली आता माढा लोकसभा मतदारसंघासाठी 32 उमेदवार रिंगणात असून तीन ईव्हीएम मशीन लावण्यात येणार असल्याचे निवडणूक निर्णय अधिकारी मोनिका सिंह ठाकुर यांनी सांगितले.
