जिल्हा परिषद अंतर्गत काम करणाऱ्या वर्ग चार ते वर्ग एक पर्यंतच्या सर्व महिला अधिकारी, कर्मचाऱ्यांचा विविध उपक्रमाद्वारे सन्मानित करण्यात येऊन शुभेच्छा देण्यात आल्या. या कार्यक्रमाचे दीपप्रज्वलन मुख्य लेखा परीक्षक सोलापूर महानगरपालिका रूपाली कोळी यांच्या हस्ते तर मुख्य लेखा वित्त अधिकारी अजयसिंह पवार यांच्या अध्यक्षतेखाली हा कार्यक्रम संपन्न झाला.
युनियनच्या वतीने सर्वप्रथम सर्व महिला कर्मचाऱ्यांचा हळद, कुंकू, गजरा देऊन सन्मानित करण्यात आला. त्यानंतर महिलांच्या मानसिक सबलीकरण करण्यासाठी ध्यानधारणा घेण्यात आली. त्यानंतर अपर्णा सहस्त्रबुद्धे यांच्या भारुडातून महिलांनी आपल्या स्वत:साठी शारीरिक, मानसिक, आर्थिक ,सामाजिक शैक्षणिक सबलीकरण कसे करावे, याबाबत मनोरंजनात्मक प्रबोधन करण्यात आले. त्याचप्रमाणे मुलींना स्वसंरक्षणार्थ लाठी काठी असोसिएशन सोलापूरच्या वतीने मुलींसाठी लाठी काठी फिरवणे, तलवारबाजी, दांडपट्टा या विविध स्वसंरक्षणाचे प्रात्यक्षिक याप्रसंगी लाठी काठी असोसिएशनचे कडलासकर त्यांच्या टीमने दाखविले. त्याचबरोबर जिल्हा परिषदेतील विविध क्षेत्रात महिलांनी व त्यांच्या मुलींनी मिळवलेल्या यशाबद्दल त्यांचा फेटा ,शाल, रोप देऊन सन्मान करण्यात आला.
जिल्हा परिषदेतील पाच सहाय्यक लेखाधिकारी पोपट राऊत, श्रीधर नादरगी, नितीन पाटील, आनंदत माने, बाळासाहेब भिसे यांना लेखाधिकारी पदावरपदोन्नती मिळाल्याबद्दल त्यांचाही सन्मान मुख्य कार्यकारी अधिकारी संदीप कोहिनकर यांच्या हस्ते, शाल ,फेटा रोप देऊन सन्मान करण्यात आला. याप्रसंगी सर्व महिला कर्मचाऱ्यांना रोप व मिठाई देऊन त्यांना शुभेच्छा देण्यात आल्या.
याप्रसंगी अजयसिंह पवार यांनी आपल्या मार्गदर्शनातून घरापासून महिलांचा सन्मान केल्यास खऱ्या अर्थाने महिला शक्तीचे सबलीकरण होईल असे प्रतिपादन केले. तसेच रूपाली कोळी, कार्यकारी अभियंता पंडित भोसले, सहाय्यक गट विकास अधिकारी दक्षिण सोलापूर शितल बुलबुले, आपले मनोगततून नारीशक्तीच्या कार्याचा उल्लेख करून सर्वांना महिला दिनाच्या शुभेच्छा देण्यात आल्या.
कार्यक्रमाचे प्रास्ताविक राज्य सरचिटणीस विवेक लिंगराज तर आभार प्रदर्शन महिला कर्मचारी युनियनचे अध्यक्ष अनुपमा पडवळे सूत्रसंचालन विस्ताराधिकारी जयश्री सुतार यांनी केले. कार्यक्रम संयोजन अध्यक्ष तजमुल मुतवली, विभागीय संघटक डॉ. एस .पी माने, सचिव विलास मसलकर, बसवराज दिंडोरे राजीव गाडेकर, संतोष शिंदे, कैलास जी, बाबासाहेब भिसे, बाळासाहेब ममाने, रीमा पवार, महिला कर्मचारी युनियनच्या सविता काळे, अंबिका वाघमोडे, आरती माडेकर, माधवी शिंदे, अंजू पाटील आदींनी विशेष परिश्रम घेतले.
