सोलापूर : आपण पोलिस असल्याचे सांगून एका वृद्ध महिलेच्या गळ्यातील 20 ग्रॅम वजनाची किंमत 40 हजार रुपयांची सोन्याची चैन बहाणा करुन चोरल्याची घटना पत्रकार भवन चौकात भर दिवसा घडली.
मंगला गोपाळ देशमुख वय 63 राहणार दत्त नगर, कुमठेकर हॉस्‍पिटल शेजारी जुळे सोलापूर असे फसवणूक झालेल्या महिलेचे नाव आहे. ही घटना 19 जुलै रोजी भर दुपारी साडे अकरा वाजता पत्रकार भवन ते सात रस्‍ता कडे जाणाऱ्या रोडवर घडली.
फिर्यादी या त्यांची स्कुटी क्र एमएच १३ बीएल ६३५८ या गाडीवरून गाडी सव्र्हसिंग करीता जात असताना त्या पत्रकार भवन ते सात रस्‍ता आले असता पाठीमागून एक मोटारसायकल वर दोघे अज्ञात इसम फिर्यादीजवळ येवून त्यातील अंगात निळी जिन्स व पांढरा शर्ट व हेल्मेट घातलेला इसम म्हणाला की, हम पुलिस है हम पिछसे आपको आवाज दे रहे है, आप क्यु नही ठहरे, आप गाडी बाजू को लिजिए असे म्हणाल्यावर फिर्यादीने तिची गाडी बाजूला घेतली त्यानंतर सदर इसमाने फिर्यादीस यहा पर बड़ी चोरी हुई है आप सोने के गहने पहनकर कहा जा रही है यहापर चेकिंग चालू है असे म्हणाले असता फिर्यादीने त्यांना मेरे पास इतना ज्यादा कुछ भी सोने के गहने नहीं है असे म्हणाली.
त्यावेळी सदर आरोपीने तेथून पायी चालत जात असणाऱ्या इसमास हिंदीतून पोलीस असल्याचे सांगून त्यास त्याच्या गळयातील चैन काढण्यास भाग पाडून स्वतःजवळील पांढऱ्या कागदात गुंडाळून त्या इसमाच्या बॅगमध्ये ठेवली, या घटनेने फिर्यादीस पोलीसांची कार्यपध्दती अशी असावी असे वाटले, आरोपीच्या सांगण्यावरून फिर्यादीने गळयातील 20 ग्रॅम वजनाची सोन्याची चैन काढून आरोपीला दिली, त्यावर आरोपीनी सदरची चैन त्यांच्या हातातील रेघाळी कागदामध्ये ठेवून फिर्यादीच्या पर्समधील रूमाल काढून त्यात गुंडाळून फिर्यादीच्या पर्समध्ये ठेवले तसेच त्यासोबत असणाऱ्या दुसऱ्या इसमाने फिर्यादीस आगे तुम्हारी चेकिंग हुई तो उसको बोलने का शुक्लासाबने चेंकिग किया है, असे म्हणून त्यांचे काळया रंगाच्या मोटार सायकलवर निघून गेले.
त्यांनतर फिर्यादीने तिची स्कुटी गांधी शोरूम येथे सव्हिसींगसाठी देवून घरी जावून रूमालातील कागदी पुडीची पाहणी केली असता तिच्या लक्षात आले की, त्या इसमांनी फिर्यादीची फसवणूक करून नमूद वर्णनाचे व किंमतीचे सोन्याची साखळी बॅग मध्ये ठेवण्याचा बहाणा करून चोरून नेले आहे. याप्रकरणी सदर बझार पोलिस ठाण्यात गुन्हा दाखल झाला असून तपास सब इंस्‍पेक्टर माळी हे करीत आहेत.
