सोलापूर : एम आयएम पक्षाचे नगरसेवक तौफिक शेख यांनी शुक्रवारी जिल्हाधिकारी कार्यालयात निवेदन दिले. एमआयएम खासदार व राष्ट्रीय अध्यक्ष असदुद्दीन ओवेसी यांच्यावर भ्याड हल्ला करणाऱ्या विरुद्ध कडक कारवाई करावी अशी मागणी त्यांनी या निवेदनात केली आहे.
मजलिसे इत्तेहादुल मुस्लमीन पक्षाचे राष्ट्रीय अध्यक्ष व खासदार बॅ. असददोद्दीन ओवेसी यांच्या विरुध्द दिनांक ०३/०२/२०२२ रोजी उत्तर प्रदेशातील छजारसी टोल नाका या ठिकाणी गुंडप्रवृत्तीच्या लोकांनी त्यांच्यावर चार राऊंड फायरींग करुन त्यांना जीवे मारण्याचा प्रयत्न केला व सदरच्या अमानुष हल्यात ते बॅ. असददोद्दीन ओवेसी अल्लाहच्या कृपेने सुखरुप तेथून परतले.
सदरचा हल्याचा आम्ही पूर्णपणे जाहीर निषेध करीत आहोत. संविधानाने दिलेल्या अधिकारानुसार सदरचा खासदार यांच्या विरुध्द झालेला हल्ला हा देशविघात व देशाच्या राज्य घटनेला काळीमा फासणारा असा आहे. विघातक कृती करणाऱ्या लोकां विरुध्द लवकरात लवकर कारवाई झाली तरच संविधान वाचेल. एमआयएमचे खासदार व राष्ट्रीय अध्यक्ष बॅ. असदोद्दीन ओवेसी यांच्यावर झालेल्या भ्याड हल्ला करणाऱ्या विरुध्द कडक कायदेशीर कारवाई करावी,
यावेळी नुरुद्दीन मुल्ला,आसिफ शेख,अमित तरेकरी, मोहसीन दारुवाले, डॉ अब्दुल शेख, करीम शेख,निसार शेख,गंगाधर कंपले,शोहेब शेख, अकिल नाईकवाडे, अमीर हुंडेकरी हे कार्यकर्ते उपस्थित होते.
