राष्ट्रवादी पाडणार ‘एमआयएम’ला खिंडार ; पैलवान म्हणतात, ये तो ट्रेलर है,पिक्चर अभी बाकी है मेरे दोस्त

सोलापूर ! राष्ट्रवादी काँग्रेसचे प्रदेशाध्यक्ष तथा राज्याचे जलसंपदा मंत्री जयंत पाटील हे शनिवारी सोलापूर जिल्ह्याच्या दौऱ्यावर येत आहेत. सोलापूर महानगरपालिका निवडणुकीच्या तोंडावर हा दौरा राष्ट्रवादी काँग्रेस पक्षाच्या दृष्टीने महत्त्वाचा मानला जातोय या दौऱ्यात राष्ट्रवादी काँग्रेस सोलापुरातील एमआयएम पक्षाला जोरदार धक्का देणार असून mim ला मोठे खिंडार  पडणार असल्याचे बोलले जाते, 

एमआयएमचे नगरसेवक मात्र राष्ट्रवादी काँग्रेसच्या संपर्कात असणारे नेते तोफिक शेख हे मागील अनेक महिन्यांपासून एमआयएम पासून दूर आहेत त्यांनी राष्ट्रवादी काँग्रेसशी संपर्क वाढवला आहे. त्यांनी ज्येष्ठ नेते शरद पवार, राज्याचे उपमुख्यमंत्री अजित पवार, प्रदेशाध्यक्ष जयंत पाटील ,पालकमंत्री दत्तामामा भरणे, करमाळ्याचे आमदार संजय मामा शिंदे माजी महापौर महेश कोठे, काका साठे, दिलीप कोल्हे, संतोष पवार यांच्याशी कायम संपर्क ठेवला आहे . 

तौफिक शेख यांना मानणारा मुस्लिम समाजात मोठा वर्ग असून एमआयएमच्या दहा नगरसेवकांपैकी सहा नगरसेवक हे पैलवान सोबत आहेत. राजकीय वर्तुळात तसेच मुस्लिम समाजात अनेक दिवसांपासून पैलवान हे राष्ट्रवादी काँग्रेसमध्ये कधी प्रवेश करतात? याकडे लक्ष लागून राहिले होते. दरम्यान राष्ट्रवादी काँग्रेसचे प्रदेशाध्यक्ष जयंत पाटील यांचा शनिवारी दौरा निश्चित झाला असून त्या दौर्‍यात अजित बनसोडे,इरफान शेख, लकी गायकवाड, इकबाल वस्ताद, युन्नुस शेख, अदनान तौफिक शेख, पीर अहमद शेख, उमेर नाईकवाडी, अजमल शेख, नजीब शेख,अरफाज शेख, ही मंडळी राष्ट्रवादी काँग्रेस मध्ये प्रवेश करणार असल्याची माहिती मिळाली. नगरसेवकांनी आताच प्रवेश केला तर परत पक्ष बदल कायद्यामुळे अडचण होईल म्हणून पुढील काळजी घेतली जात असल्याचे दिसून येते. त्यामुळेच तौफिक शेख यांनी ये तो अभी ट्रेलर है, पिक्चर अभी बाकी है अशी आपली प्रतिक्रिया दिली. 

स्थानिक स्वराज्य संस्थेची विधानपरिषद निवडणूक झाल्यानंतर महापालिका निवडणुकीपूर्वी माजी महापौर महेश कोठे व  तोफिक शेख यांच्यासह जवळ-जवळ वीस ते पंचवीस नगरसेवक हे राष्ट्रवादी काँग्रेसमध्ये प्रवेश करणार असल्याची माहिती मिळाली. सोलापुरात राष्ट्रवादी काँग्रेसने आपली जोरदार अशी मोर्चेबांधणी सुरू केली आहे, राष्ट्रवादी काँग्रेसने विशेष करून मुस्लिम समाजाकडे यंदा लक्ष केंद्रित केले असून मुस्लिम समाजातील तौफिक शेख यांच्यासारखा नेता येणार असल्याने एमआयएम आणि काँग्रेस पक्षाला शह देण्याचा प्रयत्न एनसीपीचा दिसून येतोय.