सोलापूर, (प्रतिनिधी):- सोलापूर मध्ये गेल्या ३० वर्षापासून अव्याहतपणे सुरू असलेल्या श्रध्दा आयुर्वेद सेंटरमध्ये जागतिक महिला दिनाच्या निमित्ताने खास महिलांसाठी त्यांच्या विविध आजारावर रविवार दि. ६ मार्च २०२२ रोजी सकाळी १० ते दुपारी ३ वाजेपर्यंत मोफत तपासणी शिबीर आणि उपचाराचे आयोजन करण्यात आल्याची माहिती डॉ. किरण पाठक यांनी पत्रकार परिषदेत दिली. विशेष पंचकर्मची सुविधाही उपलब्ध करण्यात येणार आल्याचे त्यांनी सांगितले.
विविध क्षेत्रात कार्य करणाऱ्या महिला तसेच घर सांभाळणाऱ्या गृहणी यांना कामाच्या तणावातून अनेक आजार जडलेले असतात त्यांना त्यांच्या आजाराकडे लक्ष देण्यासही वेळ नसतो आजार अधिक वाढला तरच त्याकडे लक्ष दिले जाते. असे होवू नये म्हणून वेळोवेळी तपासणी करणे आवश्यक असते. म्हणूनच सोलापूरमधील जुन्या श्रध्दा आयुर्वेद सेंटरच्या वतीने जागतिक महिला दिनाचे औचित्य साधून खास महिलांसाठी विविध आजाराची तपासणी मोफत करण्यात येणार आहे. तसेच औषधोपचारही करण्यात येणार आहेत.
या शिबीरामध्ये मुलींच्या चेहऱ्यावरील मुरमाचे डाग, फोड, सुरकुत्या अशा सौदर्य समस्यांवरही उपचार करण्यात येणार आहे. तसेच स्त्रियांच्या / मुलींच्या मासिक पाळीच्या तक्रारी पीसीओएस, वंधत्व अशा आजारावर उपचार होणार आहेत. वारंवार होणारी अॅसिडीटी, पाठदुखी, सांधेदुखी, कंबरदुखी या आजारवर उपचारासाठी पंचकर्म ची सुविधाही उपलब्ध करून देण्यात येणार आहेत. खास जागतिक महिला दिनाच्या निमित्ताने आयोजित या शिबीराचा सोलापूर शहर जिल्ह्यातील महिलांनी आर्वजून लाभ घ्यावा असे आवाहनही यावेळी डॉ. किरण पाठक यांनी केले.
श्रध्दा आयुर्वेद सेंटर सुब्रह्मण्यम कॉम्प्लेक्स, सुर्या हॉटेल समोर, मुरारजी पेठ सोलापूर येथे आयोजित या शिबीरासाठी अनुभवी आणि तज्ञ उपलब्ध राहणार असून आधुनिक यंत्रसामुग्रीही ठेवण्यात आले तसेच या शिबीरात स्विडनहून FASCIOASTHETIC फेलोशिप घेवून केलेल्या कान-नाक- घसा तज्ञ डॉ. क्षितिजा पाठक (MBBS, MS.ENT FASCIOASTHETIC FELLO) यांच्याकडून सौदर्य समस्या असणाऱ्या महिलां मुलींनाही तपासणी करून मोफत मार्गदर्शन करणार असल्याचे सांगून याचा लाभ महिलांनी मोठ्या संख्येने घ्यावा. या शिबीरात सहभागी होण्यासाठी नाव नोंदणी आवश्यक आहे त्यासाठी ०२१७-२७४०६३१, ९३७२१४४४३४ यावर संपर्क करून नोंदणी करावी.
