महाराष्ट्रात अलिकडच्या काही काळात नाशिक, विरार, भांडूप इत्यादी महत्त्वाच्या शहरातील शासकीय व खाजगी हॉस्पीटलमध्ये आगीच्या दुर्घटना घडून रुग्णांचे बळी गेलेले आहे त्यामुळे राज्य शासनाकडून सर्व शासकीय व खाजगी हॉस्पीटलकडील अग्नीशमन यंत्रणेची तपासणी करुन सदर यंत्रणा अद्यावत ठेवण्याचे आदेश झालेले आहेत.
त्यास अनुसरुन सोलापूर शहरातील काही हॉस्पीटल्सची अग्नीशामक दल विभागाकडून तसेच सोलापूर महानगरपालिकेच्या वरिष्ठ अधिका-याकडून तपासणी करण्यात आली. त्यामध्ये 15 ते 16 हॉस्पीटल्सचा समावेश आहे. त्या तपासणीमध्ये अग्नीशमन यंत्रणे अंतर्गत होजरील सिस्टिम, वेट रायझर सिस्टिम, यार्ड हैड्रट सिस्टिम, स्पिकलर सिस्टिम मॅन्युअली ऑपरेटेड इलेक्ट्रीक फायर अलार्म सिस्टिम ऍ़टोमॅटिक डिटेक्शन ऍ़न्ड अलार्म सिस्टिम 450 एल.पी.एम फायर पंप इत्यादी य यंत्रणा बसविले नसल्याचे दिसून आलेले आहेत. त्यामुळे संबंधित हॉस्पीटल्सना आरोग्य विभागाकडून दि.14/06/2021 रोजी तसेच अग्नीशामक दल विभागाकडून दि.12/05/2021 व दि.04/06/2021 रोजी रितसर दोन वेळा नोटीस बजावून सदरची यंत्रणा अद्यावत करणे कळविणेत आले.
त्यानंतर दि.23/07/2021 रोजी संबंधित हॉस्पीटल्सच्या प्रशासन प्रमुखांची बैठक आयोजित करण्यात आली. सदरच्या बैठकीत महाराष्ट्र नर्सिंग होम ऍ़क्टनुसार तयार करण्यात आलेल्या नियमावलीचे तंतोतंत पालन करणेबाबत सूचना देण्यात आल्या तसेच मा.शासनाचे नगर विकास विभाग, अग्नीशमन संचालक, अग्नीशमन सेवा विभाग, मुंबई यांच्या मार्गदर्शक सूचनेनुसार फायर ऑडिट व त्यामधील त्रुटीची पुर्तता करणे बंधनकारक होते. तपासणीमध्ये शहरातील खालील नमूद हॉस्पीटल्सचा समावेश आहे.
श्री सिध्देश्वर मल्टिस्पेशालिटी हॉस्पीटल, बॅक ऍ़न्ड नेक पेन क्लिनिक, डॉ.चिडगुपकर हॉस्पीटल, नर्मदा मल्टिस्पेशालिटी हॉस्पीटल, लोकमंगल जीवक हॉस्पीटल ऍ़न्ड रिसर्च सेंटर, फोनिक्स क्लिनिक, निर्मल हॉस्पीटल, बालाजी हॉस्पीटल, नान्नजकर हॉस्पीटल, सुहास नर्सिंग होम, बलवंत इन्स्टिटयुट ऑफ न्युरो सायन्सेस, जय हॉस्पीटल, सिध्दार्थ हॉस्पीटल, अल फैज चॅरिटेबल हॉस्पीटल, सोलापूर पाईल्स केअर सेंटर, कृष्णा हॉस्पीटल
या हॉस्पीटल्सनी शासनाचे महाराष्ट्र आग प्रतिबंधक व जीव संरक्षक उपाय योजना अधिनियम 2006 अंतर्गत फायर सिस्टिम अद्यावत करणे आवश्यक आहे. अन्यथा तपासणी अंती सदर यंत्रणा उपलब्ध नसल्यास अथवा अद्यावत नसल्यास हॉस्पीटल्सची नर्सिंग होम ऍ़क्ट अंतर्गत करणेत आलेली नोंदणी तात्काळ रद्द करणेत येईल.असा इशारा महापालिकेने दिलाय.
