सोलापूर : राज्याच्या अनुसूचित जाती जमाती आयोगाचे अध्यक्ष ज. मो. अभ्यंकर हे सोलापूर दौऱ्यावर असून सकाळी अकरा वाजता जिल्हा परिषदेमध्ये ते दाखल झाले. मुख्य कार्यकारी अधिकारी दिलीप स्वामी अतिरिक्त मुख्य कार्यकारी अधिकारी संतोष धोत्रे उपमुख्य कार्यकारी अधिकारी जयंत पाटील उपमुख्य कार्यकारी अधिकारी इशाधिन शेळकंदे मुख्य लेखा व वित्त अधिकारी अजयसिंह पवार यांनी स्वागत केले, त्यानंतर शिवरत्न सभागृहात बैठक सुरू झाली, मुख्य कार्यकारी अधिकाऱ्यांच्या हस्ते सर्वांचे सोलापुरी भेटवस्तू देऊन सत्कार करण्यात आला.
दरम्यान कास्ट्राईब संघटनेच्या वतीने अभ्यंकर यांचा सत्कार करण्यात येऊन निवेदन देण्यात आले. यावेळी जिल्हाध्यक्ष अरुण क्षिरसागर, उपाध्यक्ष नागसेन कांबळे, उमाकांत राजगूरु ,कार्याध्यक्ष भगवान चव्हाण, मुख्य संघटक चंद्रकांत होळकर, संघटक सचिन गायकवाड , घनशाम मस्के, डी एम भोसले, रेखा राजगुरु ,वैजिनाथ गायकवाड, रुपाली मोरे , अंकुश खेलबुडे, मकरंद बनसोडे, डी ऐम होटकर व दक्षिण सोलापुर अध्यक्ष रमेश गायकवाड व संघटना पदधिकारी उपस्थित होते.
दरम्यान महाराष्ट्रातील सर्व जिल्हा परिषदांमध्ये अनुसूचित जाती जमाती, भटक्या जाती, भटक्या जमातीची मोठ्या प्रमाणात सरळ सेवेची पदे रिक्त असून 2015 पासून ती भरण्यात आलेली नाहीत सदरचा अनुशेष भरण्यात यावा, शासनाने 29 डिसेंबर 2017 च्या शासन निर्णयाद्वारे मागासवर्गीयांना पदोन्नती मधील आरक्षणापासून वंचित ठेवलेले आहे आमच्या भावना समजून त्या सरकारपर्यंत पोहोचवाव्यात अशा दोन महत्त्वाच्या मागण्या करण्यात आल्या आहेत.
