सोलापूर : शासकीय कामकाजासाठी पुण्याला निघालेल्या प्रांताधिकारी नंबर दोन यांच्या वाहनाला भिगवन जवळ अपघात झाला या अपघातात दोन अव्वल कारकून हे गंभीर जखमी झाले आहेत हा अपघात बुधवारी सकाळच्या सुमारास झाला.
अव्वल कारकून उमेश वैद्य व राजकुमार वाघमारे असे गंभीर जखमी झालेल्यांची नावे आहेत. दोन्ही जखमी हे मंगळवारी सकाळी Mh13 BQ0097 या प्रांताधिकारी क्रमांक दोन यांच्या वाहनातून शासकीय कामकाजासाठी पुण्याला गेले होते. दरम्यान ते भिगवण जवळ गेले असता त्यांच्या गाडीला भीषण अपघात झाला, कंटेनरची धडक झाली त्यात हे दोघेही गंभीर जखमी झाले असून दोघांची प्रकृती चिंताजनक असल्याची माहिती मिळाली.
दरम्यान जिल्हाधिकारी मिलिंद शंभरकर यांनी या अपघाताची माहिती मिळताच इंदापूरचे तहसीलदार श्रीकांत पाटील यांना संपर्क केला. त्यांच्यावर इंदापूर या ठिकाणी उपचार सुरू असल्याची माहिती मिळत आहे. सुदैवाने या वाहनांमध्ये प्रांताधिकारी सुमित शिंदे हे नव्हते.
