सोलापूर : सोलापूर अक्कलकोट रोड वरील सादुल पेट्रोल पंपा समोर असलेल्या रस्ते कामामधील ड्रेनेजमध्ये पडून दोघांचा जागीच मृत्यू झाला तर दोघे गंभीर असून त्यांना उपचारासाठी शासकीय रुग्णालयात दाखल करण्यात आले आहे.
सोलापूर अक्कलकोट या चार पदरी रोडचे काम सध्या सुरू आहे. चार पदरी रोड मुळे अगोदरच ड्रेनेजची कामे केली जात आहेत मात्र हे काम करताना कोणतीही खबरदारी संबंधित मक्तेदार अथवा महानगरपालिकेच्या आरोग्य विभागाने घेतली नसल्याचे पाहायला मिळतं. त्याठिकाणी कोणतेही झाकणं झाकणं लावली गेली नाहीत. रस्त्याला लागून असल्याने ती धोकादायक अवस्थेत आहेत.
गुरुवारी सायंकाळी पाचच्या सुमारास या ड्रेनेजमध्ये चार जण पडले हे पाहता आजूबाजूच्या नागरिकांनी त्यांना वाचवण्याचा प्रयत्न केला बराच शर्थीचे प्रयत्न करून दोघांना सुखरूप बाहेर काढण्यात आले मात्र त्यांची परिस्थिती गंभीर आहे. पहा हा व्हिडीओ
मात्र दुर्दैवाने या दुर्घटनेत दोघांचा ड्रेनेजमध्ये जागीच मृत्यू झाला या मृतदेहांना लादेनच्या रुग्णवाहिकेत घालून सोलापूरच्या सिव्हिल हॉस्पिटलमध्ये पाठवण्यात आले. जखमींवर ही सिव्हिल हॉस्पिटलमध्ये उपचार सुरू आहेत मयत आणि जखमी हे नेमके कामगार होते की ये-जा करणारे नागरिक या अद्यापि स्पष्ट झालेलं नाही सिविल हॉस्पिटल मध्ये महापालिका प्रशासन पोलीस प्रशासन यांची गर्दी झाली आहे. दरम्यान नागरिकांनी महापालिका आणि संबंधित मक्तेदाराच्या कारभारावर तीव्र संताप व्यक्त केला आहे.
