राज्यातील विविध जिल्ह्यांतील तब्बल 7,751 ग्रामपंचायतींसाठी रविवारी, 18 डिसेंबर रोजी मतदान होत आहे. त्यासाठीची प्रशासनाची तयारी अंतिम टप्प्यात आहे. सोलापूर जिल्ह्यातील 189 त्यापैकी दक्षिण सोलापूर तालुक्यातील 17 ग्रामपंचायतच्या निवडणुका होत आहेत.
शुक्रवारी संध्याकाळी प्रचाराच्या तोफा थंडावल्या असून ग्रामपंचायत सदस्यांसह थेट सरपंचपदासाठीही निवडणूक होत असल्याने आता रविवारी होणाऱ्या मतदानाकडे सर्वांचं लक्ष आहे.
या ग्रामपंचायतीच्या निवडणुकीसाठी शहरातील नार्थकोट प्रशालेतून 355 निवडणूक अधिकारी, कर्मचारी मतदान पेट्या घेऊन रवाना झाले आहेत. दक्षिणमध्ये 71 मतदान केंद्र उभारण्यात आली आहेत. मतदान केंद्रावर आजच निवडणूक अधिकारी पोहोचणार आहेत.
दरम्यान निवडणूक अधिकारी तहसीलदार कुंभार म्हणाले, दक्षिण सोलापूर तालुक्यातील 17 पैकी दर्गनहळ्ळी या गावाची निवडणूक बिनविरोध झाली असून 25 सदस्य ही बिनविरोध झाले आहेत. आता 16 गावांच्या 16 सरपंच व 148 जागांसाठी ही निवडणूक होत असल्याचे सांगताना त्यांनी मतदारांना हे आवाहन केले.
