कोरोनाच्या पहिल्या लाटेपेक्षा दुसरी लाट इतकी भयानक असेल याचा अंदाज कुणालाही आला नाही, अनेकांची संसार उध्वस्त झाली, अनेक कुटुंबे उदवस्त झाली, चांगली चांगली माणसं आपल्यातून बघता बघता निघून गेली, कोरोनाची भीती इतकी मनात भरली की युवा वर्गातील सर्वाधिक मृत्यू झाले, अशा कठीण काळात प्रशासन आपल्या परीने सर्व ते प्रयत्न करत आहे, लोकप्रतिनिधी झटत आहेत, सामाजिक संघटना पळत आहेत, सामाजिक कार्यकर्ते काम करत आहेत, यावेळी कोरोना रुग्ण म्हंटले की स्कोर, ऑक्सिजन, बेड, व्हेंटिलेटर, बायपॅक हीच शब्द अनेकांच्या तोंडात आहेत, या लाटेत बेड आणि त्यातल्या त्यात ऑक्सिजन बेड ची अनेकांना गरज भासली, वेळेवर ज्याला मिळालं तो वाचला .
सोलापूर शहरात असे काही सामाजिक कार्यकर्ते ही आहेत, जे केवळ प्रसिद्धीच्या स्टंटबाजीसाठी काम करतात, ते कधी सिव्हिल हॉस्पिटलमध्ये दिसले नाहीत, कधी कोणत्या खाजगी रुग्णालयात रात्री बेरात्री पळत गेले नाहीत , मात्र एक असाही सामाजिक कार्यकर्ता आहे ज्याने शेकडों रुग्णांना बेड मिळवून दिले, अनेकांचे जीव वाचवले, तो एवढा चर्चेचा चेहरा नाही, तो आपली प्रसिद्धीची स्टंटबाजी करत नाही, सकाळी दहा पासून ते रात्री दहा पर्यंतचा वेळ कोरोना रुग्णांच्या सेवेत घालवतो, “मूर्ती लहान पण कीर्ती” महान अशी ख्याती असलेला गुरुशांत मोकाशी असे त्याचे नाव आहे. तो कुठल्या पक्षाशी निगडित नाही, कुठल्या संघटनेत नाही, त्याची धडपड केवळ महामारीत माणसं कशी वाचतील याकडे असते,
ही लाट युवा वर्गासाठी धोकादायक असल्याचे माहिती असताना ही तो आपल्या जीवाची पर्वा न करता सिव्हिल हॉस्पिटल ला जातो, तो राज्य विमा कामगार हॉस्पिटलला जातो, यशोधरा, मार्कंडेय, सिटी हॉस्पिटल, बॉईज हॉस्पिटल, अश्विनी, बलादवा, अशा ठिकाणी जाऊन रुग्णांच्या नातेवाईकांना धीर देतो, वेळ प्रसंगी सिव्हिल हॉस्पिटलमध्ये कुणाचा मृत्यू झाला तर पोस्टमार्टेम ठिकाणी जाऊन सहकार्य करतो, आमदार प्रणिती शिंदे यांचे स्वीय सहाय्यक कुमार बंटी चंदनशिवे, यलाप्पा तुपदोळकर, कॉंग्रेसचा युवा कार्यकर्ता शरद गुमटे, एस बी प्रतिष्ठानचे अभिजित भडकुंबे किरण गायकवाड यांच्या संपर्कात तो कायम असतो, सिव्हिल मधील डॉ प्रसाद, डॉ औदुंबरमस्के, प्रशासन अधिकारी जामकर, डॉ धडके, महापालिका उपायुक्त धनराज पांडे, डॉ संतोष थिटे यांची मदत घेऊन हे सामाजिक कार्य करतो. पेशंटची स्थिती काय आहे याचे अपडेट तो वेळोवेळी नातेवाईकांना देतो, लसीकरण नोंदणी साठी सर्वांना मार्गदर्शन करतो.
रुग्णसेवक म्हणून आपल्या समोर नगरसेवक बाबा मिस्त्री यांचे नाव पहिले येईल, नंतर रुग्णसेवक रुपेश भोसले, मनसेचे जैनुद्दीन शेख , प्रसाद मोहिते आहेत, अतिष सिरसट आहेत, आनंद गोसकी, केतन व्होरा मित्र परिवार, रॉबिनहुड आर्मी, आस्था रोटी बँक , उद्योग वर्धिनी अशासह अनेक व्यक्ती,मान्यवर, संस्था, संघटनांनी खूप मोठे योगदान कोरोना लॉकडाऊन मध्ये दिले आहे. त्यातच दुर्लक्षित राहिलेला चेहरा गुरुशांत मोकाशी आहे, शासन पातळीवर जेव्हा कोरोनात काम केलेल्यांची दखल घेतली जाईल तेव्हा मोकाशी यांचे नाव निश्चित घेतले जावे.
कुणाला बेडची आवश्यकता असल्यास संपर्क करा- गुरुशांत मोकाशी (8625902211)
